Fyrri aukaspurning:

Hvað heitir fótboltakonan knáa í KR-búningnum?

***

Aðalspurningar:

1.  Þann 31. ágúst 1997 lést Emad Fayed í bílslysi ásamt vinkonu sinni og bílstjóra þeirra. Bílstjórinn mun hafa keyrt afar ógætilega en taldi sig hafa ástæðu til. Í hvaða borg gerðist þetta?

2.  Undir hvaða gælunafni var Emad Fayed annars þekktur?

3.  Hver skrifaði hið vinsæla leikrit Sjö ævintýri um skömm sem enn er sýnt í Þjóðleikhúsinu?

4.  Hvaða land telur sér til tekna að hafa „fundið upp“ smørrebrød?

5.  Vinsæl matvara er á Íslandi nefnd eftir öðru Evrópulandi (ögn sunnar) eða öllu heldur lýsingarorði sem dregið er af þjóðinni sem þar býr. Matvara þessi hefur á seinni árum orðið nokkuð umdeild því vafi þykir leika á um hve holl hún sé og því kjósa margir svipaðar en grófari tegundir. Hvaða matvara er þetta?

6.  Ýmsir hafa notað sér nafnið „kraken“, t.d. á fyrirtæki, tölvuleiki, þungarokkshljómsveit, teiknimyndapersónur, bíómyndir og bækur, og það er meira að segja til afbrigði af Covid-19 veirunni sem nefnt er kraken. En hvað var upphaflega kallað kraken? Hér þarf svarið að vera allnákvæmt.

7.  Hún heitir Polina Porizkova, fæddist 1965 og þegar hún var þriggja ára flúðu foreldrar hennar heimaland sitt undan innrás og fengu hæli í Svíþjóð. Foreldrarnir höfðu orðið að skilja hana eftir en eftir mikinn alþjóðlegan þrýsting fékk Porizkova litla að fara til foreldra sinna í Svíþjóð. Strax á táningsadri hófst svo glæstur ferill Porizkovu sem ... sem hvað?

8.  En frá hvaða landi flúðu foreldrar Porizkovu? Hér þarf að gæta nákvæmni!

9.  Þann 1. janúar síðastliðinn tók nýr forseti við völdum í landi einu og flutti þá inn í forsetabústaðinn sem heitir Höll dögunarinnar á máli landsmanna. Hvaða ætli það sé?

10.  Í hvaða borg var stáliðjuverið Azovstal?

***

Seinni aukaspurning:

Milli hvaða staða er þetta sjávarsund sem hér sést?

***

Aðalspurningasvör:

1.  París.

2.  Dodi.

3.  Tyrfingur Tyrfingsson.

4.  Danmörk.

5.  Franskbrauð. 

6.  Sæskrímsli. Skrímsli dugar ekki eitt og sér.

7.  Fyrirsæta. Hún hefur reyndar fengist við ýmislegt en langfrægust er hún sem súpermódel.

8.  Tékkóslóvakíu.

9.  Brasilía. Forsetabústaðurinn heitir á portúgölsku Palácio da Alvorada.

10.  Mariupol.

***

Svör við aukaspurningum:

Á efri myndinni er Olga Færseth.

Torres-sund, sem sjá má á neðri myndinni, er á milli Ástralíu og Nýju Gíneu.

Svo sem sjá má hér.