Hulda Hjart­ar­dóttir er yfir­læknir á kvenna­deild Land­spít­al­ans og hefur reynslu af því að taka á móti konum sem missa fóstur. Samkvæmt henni endar ein af hverjum sex þung­unum með fóst­ur­láti og algeng­ast er að það ger­ist á fyrstu vikum með­göngu, oft­ast áður en átta vikna mark­inu er náð. 

„Senni­lega hefur önnur til þriðja hver kona ein­hvern tím­ann misst fóstur. Þetta er bara hluti af líf­inu, gangur nátt­úr­unnar. Það verður til fóstur sem er mjög flókið ferli og svo þarf lítið út af bera til þess að það fari öðru­vísi heldur en nátt­úran ætl­að­ist til.“ Skýr­ingin á fóst­ur­látum sem verða á fyrstu vikum með­göng­unnar teng­ist oft­ast því að eitt­hvað var að fóstr­inu. Ekki neitt sem ein­hver hefði getað komið í veg fyrir eða sem ein­hver orsak­aði. „Þetta er bara einn af þessum hlutum sem ger­ast. Stundum þegar maður skoðar kon­una sér maður ekki einu …