Skipuð hefur verið sam­eig­in­leg samn­inga­nefnd félags­manna hjá Skelj­ungi og Olíu­dreif­ingu og drög lögð að kröfu­gerð en Efl­ing­ar­fé­lagar sem starfa við akstur olíu­flutn­inga­bíla hjá fyr­ir­tækj­unum hitt­ust á fundi í félags­heim­ili stétt­ar­fé­lags­ins í gær­kvöldi. Olíu­bíl­stjórar í Eflingu starfa undir sama sér­kjara­samn­ingi við olíu­fé­lögin.

Þetta kemur fram í til­kynn­ingu á vef Eflingar í dag. 

Trún­að­ar­menn Eflingar hjá fyr­ir­tækj­unum stóðu að fund­inum í sam­ráði við skrif­stofu félags­ins og höfðu áður verið haldnir vinnu­staða­fundir hjá hvoru fyr­ir­tæki fyrir sig, að því er fram kemur í til­kynn­ing­unni. 

Nauðsynlegt að meta álag, ábyrgð og meðferð hættulegra efna til launa

Fram kemur að Sólveig Anna Jóns­dóttir for­maður Eflingar hafi stýrt fund­inum, þar sem ítar­lega hafi verið rætt um stöð­una í við­ræðum félags­ins við SA. 

„Á fund­inum kom fram ein­dreg­inn stuðn­ingur við bar­áttu félags­ins fyrir ásætt­an­legum kjara­samn­ingum. Samn­inga­nefnd Eflingar krafð­ist hækk­unar á launa­flokkum bæði flutn­inga- og rútu­bíl­stjóra í sein­asta til­boði sínu til SA.

Jafn­framt var mikil umræða á fund­inum um nauð­syn þess að meta álag, ábyrgð og með­ferð hættu­legra efna til launa. Olíu­bíl­stjórar og aðrir sem aka með hættu­leg efni þurfa svokölluð ADR-rétt­indi, en þau er ekki metin til launa í kjara­samn­ingum sem stendur,“ segir í til­kynn­ingu Eflingar. 

Þá segir jafn­framt að til fund­ar­ins hafi full­trúum úr samn­inga­nefnd Eflingar og bíl­stjórum hjá Samskip einnig verið boðið. Bíl­stjórar og hafn­ar­verka­menn hjá Samskip hafi þegar myndað sína eigin samn­inga­nefnd og sett fram kröfu­gerð.