Á þessum þjóðhátíðardegi er þessum spurningum hér enn ósvarað!

Fyrri aukaspurning:

Hvað heitir höndin sem við sjáum á myndinni hér að ofan?

***

Aðalspurningar:

1.  Hvað hét fyrsta kona heimsins samkvæmt norrænni goðafræði?

2.  En karlinn?

3.  Goðsagnir eru sumar ansi skyldar. Í goðsögum Grikkja segir m.a. frá karli að nafni Devkalíon en segja má að hann eigi sér samsvörun í gyðinglegum goðsögum. Devkalíon er nefnilega hinn gríski ... hver?

4.   Á hvaða óvenjulega stað í Reykjavík er þingmaðurinn Tryggvi Gunnarsson grafinn 1917?

5.  Hvaða heimsfræga íþróttakeppni hefur verið haldin árlega í Frakklandi frá 1903 nema á árum heimsstyrjaldanna tveggja?

6.  Hvaða víðfræga bygging er í borginni Agra á Indlandi?

7.  Árið 1953 dó aðeins 29 ára gamall einn rómaðasti country-söngvari Bandaríkjanna og þar með heimsins. Hann hafði farið afar illa með sig af drykkju og dópi en í hugum þeirra sem unna country-tónlist er hann öllum enn í fersku minni. Hvað hét hann?

8.  Í hvaða innhafi er Borgundarhólmur?

9.  Skotar hugsa gjarnan til sjálfstæðis eins og við vitum. En hversu margir eru íbúar Skotlands? Eru þeir 1,4 milljónir — 5,4 milljónir — 10,4 milljónir — 15.4 milljónir — 20,4 milljónir, eða 25,4 milljónir?

10.  Christian Griepenkerl hét maður, þýskur málari fæddur 1839. Um miðjan aldur gerðist hann prófessor við listaháskóla í borg einni og varð áhrifamikill kennari. Hversu áhrifamikill hann var vissi þó enginn fyrr en löngu eftir að hann dó 1916. Hvert er tilkall Griepenkerls til frægðar?

***

Seinni aukaspurning:

Hvað heitir fólkið á myndinni hér að neðan?

Þið verðið að sjálfsögðu að hafa bæði nöfnin rétt!

***

Svör við aðalspurningum:

1.  Embla.

2.  Askur.

3.  Nói.

4.  Í Alþingisgarðinum.

5.  Tour de France hjólreiðakeppnin.

6.  Taj Mahal.

7.  Hank Williams.

8.  Eystrasalti.

9.  Skotar eru 5,4 milljónir.

10.   Hann hafnaði umsókn Adolfs Hitlers í listakademíu Vínarborgar — og það tvívegis. Ef Hitler hefði fengið tækifæri til að einbeita sér að listferli sínum hefði margt farið öðruvísi.

***

Svör við aukaspurningum:

Á efri myndinni er fullt hús.

Á neðri myndinni eru Kristbjörg Kjeld og Gunnar Eyjólfsson.