Fyrri aukaspurning:
Hver er karlinn hér að ofan? Hann er þarna orðinn ögn eldri en þegar Íslendingar höfðu mest af honum að segja.
***
Aðalspurningar:
1. Sérlegur aðstoðarmaður hvers var Martin Bormann?
2. Hvers son er söngvarinn vinsæli Páll Óskar?
3. Systir hans er víðkunn söngkona, kunn undir gælunafni sínu, sem er ...?
4. Fjórir af Austfjörðum heita — í stafrófsröð — Fáskrúðsfjörður, Norðfjörður, Seyðisfjörður, Berufjörður. Raðið þeim í rétta röð frá norðri til suðurs. Allt verður að vera rétt til að stig fáist!
5. Hver lék kafteininn Jack Sparrow í nokkrum fjörugum bíómyndum 2003-2017?
6. Pantheon þýðir í raun „hof allra guða“ og slík hof eru til á ýmsum stöðum. En í hvaða borg er hið stærsta og frægasta Pantheon?
7. En hvar er hið frægasta Parthenon hins vegar?
8. Thomas Beresford og kona hans Prudence voru ævinlega kölluð Tommy og Tuppence. Þau höfðu gaman af að glíma við ráðgátur ýmsar og voru ansi snjöll að leysa þær. Hver skrifaði um þau hjón?
9. Hundrað ár eru um þessar mundir frá því skáldsagan Ulysses kom út en hún þótti mikið brautryðjendaverk í módernisma í bókmenntum, og þróun skáldsagnagerðar yfirleitt. Hver skrifaði þessa bók?
10. Andrei Zhdanov hét einn af helstu aðstoðarmönnum Jósefs Stalíns einræðisherra Sovétríkjanna. Hann fæddist árið 1896 í hafnarborg einni sem líka var mikil iðnframleiðsluborg og miðstöð á sínu svæði. Þegar Zhdanov lést fyrir aldur fram 1948 var fæðingarborg hans svipt sínu upphaflega nafni og kölluð Zhdanov í 40 ár en þegar Sovétríkin voru að hruni komin 1989 fékk borgin aftur sitt gamla nafn. Hvaða borg var þetta?
***
Seinni aukaspurning:
Hver skóp verk það sem hér að neðan sést?
***
Svör við aðalspurningum:
1. Hitlers.
2. Hjálmtýsson.
3. Diddú.
4. Seyðisfjörður, Norðfjörður, Fáskrúðsfjörður, Berufjörður.
5. Johnny Depp.
6. Í Róm.
7. Í Aþenu.
8. Agatha Christie.
9. Joyce.
10. Mariupol.
***
Svör við aðalspurningum:
Á efri mynd er Boris Spassky fyrrum heimsmeistari í skák.
Á neðri mynd er Þvottakonan eftir Ásmund Sveinsson.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir