Fyrri aukaspurning:

Hvaða ríki tilheyrir það landfræðilega fyrirbæri sem við sjáum á myndinni hér að ofan? Ég er búinn að einangra það svolítið á þessari mynd.

***

Aðalspurningar:

1.  Hver var einræðisherra Sovétríkjanna 1928-1953?

2.  Hvernig var tunglið okkar öðruvísi að sjá í árdaga sólkerfisins en nú?

3.  Kona sem Alexandra hét var myrt ásamt fjórum dætrum sínum árið 1918. Hver var hún?

4.  Hvað hét fyrsti forseti Bandaríkjanna?

5.  Eliza Reid forsetafrú er menntuð í tveimur greinum. Nefnið að minnsta kosti aðra.

6.  Í hvaða firði á Íslandi er Æðey?

7.  Svanhildur Konráðsdóttir stýrir menningarstofnun einni í Reykjavík. Hvaða stofnun er það?

8.  Hversu há er Hallgrímskirkja í Reykjavík? Hér má muna tveimur og hálfum metra til eða frá.

9.  Í hvaða hafi — nákvæmlega talið — eru ríkin St. Lucia og St. Kitts & Nevis?

10.  Hvaða franski kvikmyndaleikari hefur vakið athygli á síðustu árum fyrir dyggan stuðning sinn við Pútin Rússlandsforseta — þótt hann styðji víst ekki innrásina í Úkraínu?

***

Seinni aukaspurning:

Hver málaði málverkið hér að neðan? (Í þessari útgáfu hafa litir og skýrleiki verið lagaðir töluvert.)

***

Svör við aðalspurningum:

1.  Stalín.

2.  Það var mun nær Jörðinni en nú og því miklu stærra að sjá. Ekkert annað svar gefur stig!

3.  Keisarafrú í Rússlandi.

4.  Washington.

5.  Hún hefur prófgráður í sögu og alþjóðasamskiptum.

6.  Ísafjarðardjúpi.

7.  Harpa.

8.  Kirkjan mælist 74,5 metrar svo rétt er allt frá 72 til 77 metra.

9.  Karíbahafi. Atlantshafið er of ónákvæmt.

10.  Gerard Depardieu.

***

Svör við aukaspurningum:

Á efri myndinni má sjá Pelópsskagann sem er hluti Grikklands.

Á neðri myndinni er Síðasta kvöldmáltíðin eftir Leonardo da Vinci.