„Það er alls ekki innrás á yfirráðasvæði Úkraínu,“ segir sendiherra Rússlands gagnvart Íslandi, Mikhaíl V. Noskov, um aðgerðir Rússa í Úkraínu sem Vladimir Pútín Rússlandsforseti kallaði friðargæslu, eftir að hafa þráfaldlega neitað síðustu vikur að liðssöfnuður við landamæri Úkraínu væri vegna fyrirhugaðrar innrásar.
Sprengingar hafa dunið víða um Úkraínu í dag og hafa hersveitir Rússa streymt inn í landið úr suðri, austri og frá Hvíta-Rússlandi í norðri, þar sem Pútín sagði áður að þær væru við heræfingar en ekki vegna áforma um innrás.
Sendiherrann segir í samtali við Ríkisútvarpið í kvöld að ekki sé um innrás að ræða og að um sé að ræða viðbrögð við sérstökum aðstæðum rússneskra borgara. Í síðustu viku hóf Pútín að saka Úkraínu um þjóðarmorð gegn Rússum í Donbass, í austurhluta landsins.
„Þið vitið hvaða atburðir leiddu til þessarar ákvörðunar Pútíns forseta. Hann vísaði til sérstakra aðstæðna rússneskra borgara þann 22. febrúar. Þar sagði hann frá áætlunum vegna aðstæðna í Úkraínu og fjallaði ítarlega um hvað gerst hefði í Úkraínu síðastliðin átta ár.“
Yfirlýsing Rússa um að ekki sé innrás, hefur verið endurómuð af Kínverjum.
Óhræddur við refsiaðgerðir
Sendiherra Rússa óttast ekki refsiaðgerðir. „Við höfum lifað við refsiaðgerðir, ekki aðeins frá 2014, heldur einnig á Sovéttímanum, á áttunda áratugnum, á níunda áratugnum og efnahagur okkar hefur aðlagast vel refsiaðgerðum síðustu átta ára. Þessar refsiaðgerðir sem nú eru framundan gætu vissulega haft áhrif á rússneskan efnahag, en ég bendi á að þær hafa meiri áhrif á ríkin sem beita þeim.“
Segir „nasísk öfl“ vera í Úkraínu
Noskov sendiherra ræddi einnig við fréttir Stöðvar 2. Þar endurtók hann ásakanir Pútín, sem sagði Úkraínu vera nasistaríki og að Rússar vildu hreinsa nasismann úr landinu. Spurður hvort hann tryði því að aðrir myndu leggja trúnað á þessar skýringar, en forseti Úkraínu er Gyðingur, sagði hann: „Það er undir ykkur komið að ákveða það. En við höfum staðreyndirnar og fyrir okkur er það algerlega skýrt að það eru nasísk öfl í Úkraínu. Við sjáum að ríkisstjórn Úkraínu og úkraínsk yfirvöld gera ekkert til að bæla niður þessi nasísku öfl.“
Í dag mótmæltu hundruðir „ofbeldi og yfirgangi“ Rússa gegn Úkraínu fyrir framan sendiráð þeirra í Túngötu.
Athugasemdir (11)
Úkraínustríðið
Trump og Vance rífast við Zelensky í Hvíta húsinu
Trump kallar Zelensky „einræðisherra“
Enn hinar sönnu ofurhetjur
Ég næ að henda mér niður rétt fyrir hvellinn
Óskar Hallgrímsson
Háþróaðar þotur en engin ofurvopn
https://www. thetimes.co. uk/article/neo-nazis-give-kiev-a-last-line-of-defence-in-the-east-0csqncjv3hd
Þú veist líklega að Zelensky er gyðingur ásamt fleirum í stjórninni.
Ég held að Pútín sé minnst hræddur við nato og öryggi rússlands.
Hann er hræddur við lýðræði.Það er farið að þrengja að honum.
Þegar Belarus varð lýðræðinu næstum að bráð ákvað hann að verja sig.
Því spilltir einræðisherrar vita sem er að ef lýðræðið sigrar ,þá þurfa þeir líklega að dvelja á svipuðum stað og Alexei Navalny það sem eftir er.
http://www. informationclearinghouse. info/56947.htm
Í Úkrainu ganga menn um í löngum bunum með hakakrossa um öxl og drepa fólk ,banna stjórnmálaflokka og hneppa stjórnarandstöðuna í fangelsi ,en samkvæmt ykkur Krötunumm eru þetta lýðræðissinnar.
En ef einhver syngur Ísland öögrum skorið er hann Nasisti.
Enginn andaði út orði meðan lýðræðissinnarnir með hakakrossana sláturðu 14.000 manns á Donbasssvæðinu.
Kannski er ekki rétt að segja að menn hafi ekki andað út orði.
Það fóru halarófur stjórnmálamanna héðan til að lýsa stuðningi við athæfið.
Nú þegar það er verið að reyna að stoppa þetta af míga allir niðurúr af vandlætingu.