Aðeins 27 ára gömul hefur Sara Mardini upp­lifað meira en flest fólk gerir á heilli mannsævi. Hún og yngri systir hennar, Yusra, voru hylltar sem hetjur á alþjóða­vett­vangi fyrir björg­un­ara­frek þeirra árið 2015 þegar þær flúðu á gúmmí­bát yfir Mið­jarð­ar­hafið frá heima­landi sínu, Sýrlandi. Þá voru þær aðeins 20 og 17 ára. Yusra keppti í kjöl­farið á Ólymp­íu­leik­unum í Ríó árið 2016 fyrir hönd nýskip­aðs ólymp­íuliðs flótta­manna.

„Ég fór með til Ríó til að styðja hana,“ segir Sara í sam­tali við Stundina um við­burða­ríka æsku þeirra systra. „Það var svo fal­legt að sjá hana keppa og það veitti mér mik­inn inn­blástur.“

En skömmu síðar þurfti Sara að dúsa í grísku fang­elsi fyrir að reyna að hjálpa öðrum sem voru í sömu stöðu og hún hafði verið. Fjögur ár eru nú liðin frá því að hún var hand­tekin og ákærð fyrir þátt­töku sína í hjálp­ar­starfi á eyj­unni Lesbos í Grikk­landi og …