Fyrri aukaspurning:

Hver málaði málverkið sem sést hér að ofan (því miður ekki í sérlega góðri upplausn)? Og lárviðarstig er í boði fyrir að vita hvað málverkið heitir!

***

Aðalspurningar:

1.  Jakútía er stórt hérað sem tilheyrir hvaða ríki?

2.  Antony Blinken heitir valdamaður einn. Hvaða starfi gegnir hann um þessar mundir?

3.  Berglind Ósk Guðmundsdóttir heitir nýr þingmaður Norðausturkjördæmis. Í hvaða stjórnmálaflokki er Berglind Ósk?

4.  Ricky nokkur Gervais sló í gegn fyrir tuttugu árum. Fyrir hvað?

5.  Hversu mörg eru guðspjöllin?

6.  Gömul gáta byrjar svo: „Ingimundur og hans hundur ...“ Hvernig er næsta lína?

7.  Otto Bismarck hét karl einn. Hvaða starfi gegndi hann þegar veraldlegur frami hans varð mestur í lífinu?

8.  Jacql­ine Moss­berg Moun­kassa heitir sænsk söngkona. Fyrir hvað er hún þessa dagana frægust á Íslandi?

9.  Í Hávamálum segir: „Eldi heitari / brennur með illum vinum ...“ hvað?

10.  Hver er annars Hávi sá eða Hár sem Hávamál eru kennd við?

***

Seinni aukaspurning:

Hér að neðan má sjá söng- og leikkonuna Lady Gaga. Hún er þarna stödd í nýrri kvikmynd sem heitir ... já, hvað heitir kvikmyndin?

***

Svör við aðalspurningum:

1.  Rússlandi.

2.  Utanríkisráðherra Bandaríkjanna.

3.  Sjálfstæðisflokknum.

4.  Sjónvarpsseríuna Office.

5.  Fjögur.

6.  Sátu báðir og átu. Hafi fólk lært „átu báðir og sátu“ telst það líka rétt.

7.  Kanslari Þýskalands.

8.  Fyrir að hafa orðið í öðru sæti á eftir Birki Blæ í sænska Idolinu á dögunum.

9.  Friður fimm daga.

10.  Óðinn.

***

Svör við aukaspurningum:

Hallgrímur Helgason málaði verkið Guð á Sæbrautinni.

Á neðri myndinni er Lady Gaga að leika í myndinni House of Gucci.