Útgerð­ar­fé­lagið Brim er komið yfir lög­bundna hámarks­hlut­deild í afla­heim­ildum, sam­kvæmt nýbirtum lista Fiski­stofu. Útgerðin fer með 13,2 pró­sent allra afla­heim­ilda, mælt í þorskígildistonnum, sam­kvæmt útreikn­ingum stofn­un­ar­innar. Lög­bundið hámark er 12 pró­sent. 

BlokkinÚtgerð­ar­fé­lagið Brim og þær útgerðir sem ýmist eiga eða eru í eigu þess fara sam­tals með 17,4 pró­sent afla­heim­ilda á Íslandi.

Til við­bótar við þessi rúmu þrettán pró­sent á Brim útgerð­ina Ögurvík að fullu, sem fer með 0,76 pró­sent afla­heim­ilda, og útgerð­ina Grunn, sem fer með 0,31 pró­sent afla­heim­ilda. Grunnur á 40,8 pró­sent í útgerð­inni Þórs­bergi, sem fer með 0,25 pró­sent afla­heim­ilda. Samtals er því Brim með yfir­ráð yfir 14,37 pró­sent kvót­ans. Það er 2,37 pró­sentu­stigum umfram lög­bundið hámark.

Útgerð­ar­fé­lag Reykja­víkur, sem að stærstum hluta er í eigu Guð­mundur Krist­jáns­sonar, for­stjóra Brims, fer svo með 2,23 pró­sent afla­heim­ilda. KG fisk­verkun, sem er í eigu bróður Guð­mundar, Hjálmars Þórs Krist­jáns­sonar og sona hans, fer með 0,66 pró­sent afla­heim­ilda. Blokkin sem þessi sex útgerð­ar­fé­lög, sem tengj­ast í gegnum eign­ar­hald sitt, stýrir 17,4 pró­sentum kvót­ans.

Brim hefur, sam­kvæmt lög­unum um hámarks­hlut­deild í afla­heim­ildum, sex mán­uði til að koma sér aftur undir 12 pró­senta markið.