Hill­billy ræddi við Kristínu Þóru Kjart­ans­dóttur um rit­röð­ina Pastel. Kristín er sagn­fræð­ingur og stað­ar­hald­ari en kemur „úr mjög svo form­fastri texta­vinnslu og miðlun fræða­geirans á meg­in­land­inu“. Með henni í nefnd um Pastel er eig­in­mað­ur­inn Hlynur Hallsson, mynd­list­ar­maður og safn­stjóri Lista­safns­ins á Akureyri. Hjónin ráku lengi sýn­ing­ar­rýmið Kun­straum-Wohnraum fyrir mynd­list­ina, en Kristín hefur rekið Flóru menn­ing­ar­hús með við­burðum, vinnu­stofum og verslun í mið­bænum á Akureyri frá 2011. Í Pastel vildu skötu­hjúin leiða saman fólk úr ólíkum list­greinum og miðla verkum þeirra í formi menn­ing­ar­verk­efnis, án hagn­að­ar­hugs­unar.

Pastel­ritin eru lista­verk í rita­formi, segir á vef­síð­unni pastel.is. Verkin eru öll unnin af lista­mönnum, bæði þeim sem eru hoknir af reynslu og líka þeim sem enn geta rétt úr sér. Lista­menn­irnir fá skýran og ein­faldan ramma til að vinna með, en síðan lausan taum­inn. Sumir hrista fram stutta skáld­sögu, aðrir skrifa form­fastan ljóða­bálk, enn aðrir tjá með rit­máli eða mynd­máli upp­lifun sína á hvers­deg­inum. …