Eign­ar­halds­fé­lag í eigu stjórn­ar­for­manns Arnarlax, Kjartans Ólafs­sonar, hagn­að­ist um tæp­lega 688 millj­ónir króna í fyrra vegna verð­hækk­ana á hluta­bréfum þess í Arn­ar­laxi og sölu þess á hluta­bréfum í félag­inu. Þetta kemur fram í árs­reikn­ingi eign­ar­halds­fé­lags hans, Gyðu ehf., í fyrra sem skilað var til árs­reikn­inga­skrár í lok sept­em­ber síð­ast­lið­inn. 

Arnarlax var skráð á Merkur-hluta­bréfa­mark­að­inn í Noregi í fyrra og leiddi þessi skrán­ing til mik­illa verð­hækk­ana á hluta­bréfum í félag­inu.

Verð­mætin í Arn­ar­laxi liggja í lax­eld­is­leyfum félags­ins, leyfum til að fram­leiða eld­is­lax í fjörðum Íslands. Þessi leyfi ganga kaupum og sölum í Noregi fyrir há verð en ekki á Íslandi. Í fyrrra hafði Arnarlax yfir að ráða leyfum til að fram­leiða 22 þús­und tonn af eld­is­laxi.  Eitt af því sem mikið hefur verið í umræð­unni á Íslandi er af hverju íslensk stjórn­völd nær gefi þessi leyfi til fram­leiðslu á eld­is­laxi á meðan þau eru seld dýrum dómum í Noregi. 

Bréfin fjármögnuð með kúluláni frá Arnarlaxi 

Eins og Stundin hefur greint frá keypti Kjartan hluta­bréf í Arn­ar­laxi í gegnum Gyðu ehf. með láni frá stærsta hlut­hafa Arnarlax, norska lax­eld­is­ris­anum Salmar AS. Um var að ræða tæp­lega 500 millj­óna króna kúlu­lán til að kaupa 2,41 pró­sents hluta­bréf í norsku móð­ur­fé­lagi Arnarlax af Salmar AS. 

Um hluta­bréfa­við­skipti sín í Arn­ar­laxi hefur Kjartan sagt, í sam­tali við Stundina: „Ég veit að þetta eru orðin umtals­verð verð­mæti. Allir sem hafa verið með hingað til hafa í raun komið mjög vel út úr því. Og ég gæti hoppað út núna því það liggur fyrir til­boð í hluta­bréfin en ég kýs að gera það ekki.“

Í árs­reikn­ingi félags Kjartans fyrir árið  fyrra kemur fram að félag hans keypti hluta­bréf fyrir tæp­lega 157 millj­ónir króna það árið en seldi bréf í Arn­ar­laxi fyrir 467 millj­ónir. Við þetta mynd­að­ist sölu­hagn­aður upp á 310 millj­ónir króna. 

Við þennan hagnað bæt­ist svo mats­breyt­ing hluta­bréfa Gyðu í Arn­ar­laxi upp á 438 millj­ónir króna. 

Þetta tvennt leiðir til þess að félag Kjartans skil­aði hagn­aði upp á 688 millj­ónir króna, eftir greiðslu fjár­magns­gjalda. 

Á grund­velli þessa hagn­aðar gat félagið greitt út 115 millj­óna króna arð til eign­ar­halds­fé­lags Kjartans sem á félagið Gyðu ehf. 

Arnarlax greiddi 97 milljónir til ríkisins fyrir leyfin

Eins og Stundin hefur fjallað um áður er Kjartan einn af fáum, í þó stækk­andi hóp íslenskra fjár­festa, sem hefur hagn­ast á íslensku lax­eldi hingað til. Til­raunir til að koma á fót stór­felldu lax­eldi á Íslandi hafa hingað til runnið út í sand­inn út af ýmsum ástæðum, meðal ann­ars hörðum veð­ur­skil­yrðum við Ísland. En svo virð­ist sem nú hafi félög eins og Arnarlax og Arctic Sea Farm, sem og Fiskeldi Aust­fjarða, ná að festa sig í sessi þannig að útlit er fyrir að þau nái að halda velli. Öll félögin eru í eigu norskra lax­eld­is­fyr­ir­tækja að stóru leyti. 

Í árs­reikn­ingi Arnarlax fyrir árið í fyrra kemur fram að félagið hafi greitt sam­tals tæp­lega 650 þús­und evrur í auð­linda- og leyf­is­gjöld til íslenska rík­is­ins vegna fram­leiðslu á eld­is­laxi. Auð­linda­gjaldið nama 133 þús­und evrum og gjald í Umhverf­is­sjóð fisk­eldis. Samtals nam þessi upp­hæð 97 millj­ónum íslenskra króna eða um 1/7 hluta af því sem lít­ill hlut­hafi í Arn­ar­laxi, félag Kjartans Ólafs­sonar, hagn­að­ist á um á hluta­bréf sinni í fyr­ir­tæk­inu í fyrra.

Upphæðin sem Arnarlax greiddi fyrir leyfin til íslenska nam einnig 18 millj­ónum króna minna en arð­greiðslan út úr félagi Kjartans í fyrra.