Fyrri aukaspurning:

Hvað heitir leikarinn sem hér að ofan syngur hlutverk Bubba Morthens í söngleiknum um ævi hans?

***

Aðalspurningar:

1.  Hve mörg eru líf Bubba Morthens annars talin vera í söngleiknum þeim?

2.  Fyrir um það bil hve mörgum milljónum ára átti sér stað hin fræga fjöldaútrýming risaeðlanna? Var það fyrir 266 milljónum ára, 216 milljónum ára, 166 milljónum ára, 116 milljónum ára, 66 milljónum ára eða 16 milljónum ára?

3.  Hvað heitir eini alþingismaðurinn á Alþingi Íslendinga sem á sína eigin kirkju?

4.  Í hvaða flokki er hann um þessar mundir?

5.  Kona ein var í tvo áratugi einhver fremsti ballettdansari Íslendinga. Eftir að hafa útskrifast frá London 1972 dansaði hún í áratug í Þýskalandi við góðan orðstír en síðan í Bandaríkjunum, til dæmis sem aðaldansari við Richmond-ballettinn í Virginíu. Síðan var hún um skeið listdansstjóri Íslenska dansflokksins og hefur lengi fengist við kennslu. Hvað heitir hún?

6.  Hvað heitir litla systir Emils í Kattholti?

7.  Hver skrifaði bækurnar um Emil í Kattholti?

8.  Ákveðið fyrirbæri er talið hafa komið fyrst við sögu í Jemen um árið 1500, þótt mjög þrálátar sögur hermi að það hafi raunar komið fyrst til sögu handan Rauða hafsins í Eþíópíu. Hvað sem því líður breiddist það tiltölulega hratt út um Miðausturlönd og síðan til Indlands og til Ítalíu var það komið um 1600. Hvaða fyrirbæri er þetta?

9.  Risi, naut, örn og ... hver?

10.  Hver syngur titillagið í nýju James Bond-myndinni, No time to die?

***

Seinni aukaspurning:

Málverkið hér að neðan er kennt við landið eða þjóðina þar sem það var málað. Hverrar þjóðar eru sem sé fyrirsæturnar tvær?

***

Svör við aðalspurningum:

1.  Níu.

2.  Fyrir 66 milljónum ára.

3.  Birgir Þórarinsson.

4.  Sjálfstæðisflokknum.

5.  María Gísladóttir.

6.  Ída.

7.  Astrid Lindgren.

8.  Kaffi.

9.  Dreki. Þetta eru landvættirnar í skjaldarmerki Íslands.

10.  Billie Eilish. Smellið á rammann, þá kemur lagið þótt það þykist ekki vera þarna.

***

Svör við aukaspurningum:

Leikarinn er Jóhann Sigurðarson.

Málverkið heitir American Gothic og fyrirsæturnar eru því bandarískar.