Þessi grein birtist upphaflega í Stundinni fyrir meira en 3 árum.

Vilhjálmur segir Sjálfstæðisflokkinn enga skírskotun hafa til kjósenda

Vil­hjálm­ur Bjarna­son, fyrr­ver­andi þing­mað­ur Sjálf­stæð­is­flokks­ins, fer hörð­um orð­um um flokk­inn sinn og spyr hvort hann sé á leið með að verða eins máls flokk­ur ut­an um fisk­veið­i­stjórn­un­ar­kerf­ið. Vil­hjálm­ur seg­ir jafn­framt Sam­fylk­ing­ar­fólk leið­in­legt, Pírata á „ein­hverju rófi“ og Mið­flokk­inn trú­ar­hreyf­ingu.

Vilhjálmur segir Sjálfstæðisflokkinn enga skírskotun hafa til kjósenda
Tætir í sig stjórnmálaflokkana Vilhjálmur sparar hvergi stóru orðin. Mynd: xd.is

Sjálfstæðisflokkurinn hefur úthýst fjölbreytni í innra starfi sínu og hefur enga skírskotun til kjósenda. Með því hefur flokkurinn smættað sig og heldur áfram á sömu braut, meðal annars með því að „viðhalda óskiljanlegri umræðu um fullveldi á plani frá 1918,“ að mati Vilhjálms Bjarnasonar, fyrrverandi þingmanns flokksins. Vilhjálmur spyr sig jafnframt hvort Sjálfstæðisflokkurinn sé að verða „eins máls flokkur þar sem „hagkvæmni“ fiskveiðistjórnunarkerfisins fæður för“.

Vilhjálmur skrifar grein í Morgunblaðið í dag og sparar hvergi stóru orðin. Yfirskrift greinarinnar er ,,Eru stjórnmálaflokka í öngstrætum?". Í henni skýtur Vilhjálmur föstum skotum í allar áttir innan íslenska flokkakerfisins. Þannig segir Vilhjálmur að sér sé fyrirmunað að skilja fyrir hvað Miðflokkurinn standi. „Eins manns flokkur án málefnis, en leitar þó að „kosningamálefninu“. Í eins manns flokknum verður til „trúarhreyfing“, trú á hinn óskeikula foringja, þar sem orðaflaumurinn gusast út eins og tómatsósa, en að öðru leyti algerlega innihaldslaust blaður,“ skrifar Vilhjálmur og gefur lítið fyrir snilld Sigmundar Davíðs Gunnlaugssonar formanns flokksins, sem hann segir að hafi orðið til fyrir slysni í kosningu til formanns í Framsóknarflokknum.

„Meðlimir þess flokks virðast flestir hverjir vera á einhverju rófi sem engir skilur, ekki einu sinni þeir sjálfir“

Vilhjálmur heldur áfram og sendir því næst Pírötum pillu. „Meðlimir þess flokks virðast flestir hverjir vera á einhverju rófi sem engir skilur, ekki einu sinni þeir sjálfir, því þar þarf að kalla til vinnustaðasálfræðing til að fundir fúnkeri, og fúnkera þó ekki.“

Samfylkingin segir Vilhjálmur að hafi eðli Kvennalista, án allrar útgeislunar og sé einskis máls flokkur. „Að auki, þeir sem tala fyrir þessa fylkingu eru fjandanum leiðinlegri og skapvondir.“ Vinstri græn segir Vilhjálmur að séu uppfull af hugsjónafólki, sem hafi þó ekki meiri hugsjón en þá að hlaupa yfir í aðra flokka fái það ekki alls sem það krefjist.

Enginn leiðtogi í sjónmáli

Mest púður fer þó í það hjá Vilhjálmi að gagnrýna sinn eigin flokk og ljóslega er hann ekki hrifinn af því sem þar fer fram nú um stundir. Þar hafi fjölbreytni verið úthýst og meðal annars hafi forysta flokksins tekið þá afstöðu árið 2014 að afturkalla aðild að Evrópusambandinu sem hafi þá legið í svefni og engan skaðað. Það hafi hins vegar valdið því að stór hópur í atvinnurekendadeild flokksins sagt skilið við hann og gengið til liðs við nýjan smáflokk, skrifar Vilhjálmur og vísar þar til Viðreisnar.

„Hvernig má það vera að flokkur, sem var með 40% kjörfylgi, telur það ásættanlegt að fá 25% kjörfylgi,“ spyr Vilhjálmur svo og segir einnig að endingartími formanna flokksins hafi verið um tíu ár og nýr leiðtogi hafi ávallt verið í augsýn. „Nema núna!“

„Þetta fólk hefur orðið til í kosningamaskínunni inni í Sjálfstæðisflokknum!“

Vilhjálmur segir svo að lokum að hann sjálfur hafi lokið afskiptum sínum af stjórnmálum og sé því frjáls að því að láta ýmislegt frá sér fara eftir að hafa spurt sig áleitinna spurninga. Þannig spyrji hann sig hvort að prófkjör Sjálfstæðisflokksins hafi skilað sigurstranglegum listum. „Horfandi á mál utan frá og spurt þá sem ekki eru innmúraðir, segja kjósendur: Þetta fólk höfðar ekki til mín! Þetta fólk hefur enga skírskotun til mín! Þetta fólk hefur orðið til í kosningamaskínunni inni í Sjálfstæðisflokknum! Engin skírskotun til almennra kjósenda!“

Hafnað í síðasta prófkjöri

Vilhjálmur sat á þingi fyrir Sjálfstæðisflokkinn í Suðvesturkjördæmi á árunum 2013 til 2017. Hann sat í fimmta sæti lista flokksin fyrir kosningarnar 2017 en náði ekki kjöri. Hann gaf kost á sér í prófkjöri flokksins í kjördæminu fyrr á þessu ári en hafði ekki árangur sem erfiði og varð ekki meðal sex efstu. 

 

 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

„Á ekki möguleika á að fá réttláta málsmeðferð“
3
Fréttir

„Á ekki mögu­leika á að fá rétt­láta máls­með­ferð“

Nauðg­un­ar­kær­an var felld nið­ur, en um­boðs­mað­ur Al­þing­is tek­ur und­ir að­finnsl­ur við rann­sókn lög­reglu, varð­andi at­riði sem hefðu getað skipt máli við sönn­un­ar­mat. Eft­ir at­hug­un á máli Guðnýj­ar S. Bjarna­dótt­ur sendi um­boðs­mað­ur Al­þing­is einnig rík­is­sak­sókn­ara ábend­ingu varð­andi varð­veislu gagna í saka­mál­um og árétt­aði mik­il­vægi þess að ákær­andi hafi öll gögn und­ir hönd­um þeg­ar hann tek­ur af­stöðu.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
1
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Einhverfir á vinnumarkaði: Starfsmannaskemmtanir bara ólaunuð yfirvinna
5
Úttekt

Ein­hverf­ir á vinnu­mark­aði: Starfs­manna­skemmt­an­ir bara ólaun­uð yf­ir­vinna

Í at­vinnu­aug­lýs­ing­um er gjarn­an kraf­ist mik­illa sam­skipta­hæfi­leika, jafn­vel í störf­um þar sem þess ekki er þörf. Þetta get­ur úti­lok­að fólk, til að mynda ein­hverfa, sem búa yf­ir öðr­um mik­il­væg­um styrk­leik­um. Bjarney L. Bjarna­dótt­ir gerði tíma­mót­a­rann­sókn á þessu og legg­ur áherslu á að at­vinnu­rek­end­ur efli fötl­un­ar­sjálfs­traust.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár