Fyrri myndaspurning:

Hver skýtur úr byssu sinni á myndinni hér að ofan? Tvö nöfn koma til mála og teljast bæði rétt?

***

Aðalspurningar:

1.  Hvar er Marmarahaf?

2.  Hvað eru mörg spil í venjulegum spilastokk?

3.  Hver skrifaði laust fyrir 1800 harmleikinn Faust?

4.  Eftir því sem best er vitað á Síamsköttur á Bretlandi heimsmetið í kettlingafjölda, en sú læða eignaðist afkvæmi sín árið 1970. Fjórir kettlingar dóu í fæðingunni en hve margir voru þeir í heild? Hér má skeika einum kettlingi.

5.  Warren Buffett er afar ríkur maður, einn sá allra ríkasti í heimi. Á hverju grundvallast auðhæfi hans?

6.  Í bandarískri sögu er Barry Goldwater frægastur fyrir að hafa tapað forsetakosningum með miklum mun. Fyrir hverjum?

7.  Nú er fyrir dómi í Þýskalandi málarekstur vegna þess að 2015 fjarlægði lögreglan ákveðinn hlut úr kjallaranum hjá tæplega áttræðum karli í þorpinu Heikendorf í Schleswig-Holstein. Karlinn var alls ekki ánægður með að hluturinn væri tekinn úr kjallaranum en yfirvöldin vilja fá úr því skorið hvort hann hafi brotið lög með því að geyma svona í kjallaranum hjá sér. Hver var þessi hlutur?

8.  Einn af þjóðhöfðingjum Evrópu á tvær systur sem heita Caroline og Stephanie. Þær voru mjög í fréttum fyrir 30-40 árum. Sumum fannst þær frekar óþekkar, en þær sögðust nú bara vilja fá að lifa eðlilegu lífi. Hvað heitir þjóðhöfðinginn bróðir þeirra?

9.  Hvað heitir stærsta eyjan við Spán?

10.  Krk heitir 20. stærsta eyjan í Miðjarðarhafinu. Þar búa 20.000 manns. Hvaða ríki tilheyrir Krk?

***

Seinni myndaspurning:

Lítið á myndina hér að neðan. Hvað er þetta?

***

Svör við aðalspurningum:

1.  Milli Eyjahafs og Svartahafs — og/eða milli Hellusunds og Bosporus.

2.  52.

3.  Goethe.

4.  19, svo rétt telst vera 18-20.

5.  Fjárfestingum.

6.  Lyndon Johnson.

7.  Skriðdreki.

8.  Albert. Hann er fursti í Mónakó.

9.  Mallorcka.

10.  Króatíu.

***

Svör við myndaspurningum:

Á efri myndinni er Skuggi eða Dreki. Hann var kallaður báðum þessum nöfnum í íslenskum blöðum.

Á neðri myndinni er blágresi. Ég hef reyndar grun um að ég hafi spurt um blágresi áður, en það er þá í góðu lagi.

***

Lítið á hlekkina hér að neðan.