Myndaspurningar eru tvær.

Sú fyrri hljóðar svo:

Hver er á myndinni hér að ofan?

***

Aðalspurningar:

1.  Hvað er kunnasta viðurnefni séra Jóns Steingrímssonar?

2.  En hvað var séra Jón Magnússon kallaður, sá er barðist af nánast vitfirringslegri hörku gegn göldrum á 17. öld?

3.  Akbar hinn mikli fæddist 1542 og varð keisari í ríki hinna svonefndu mógúla sem var hvar ...?

4.  Við hvaða fjörð er Hólmavík?

5.  Í hvaða landi er borgin Izmir?

6.  Hvaða haf á Jörðinni mun hafa lokast og stíflast nokkrum sinnum á tímabilinu frá því fyrir 5-23 milljónum ára, og við sum þeirra tækifæra þurrkast svo til alveg upp?

7.  Árið 1066 gerðu tveir mikilsháttar furstar innrás á England. Fyrst bar að konung Noregs og hann féll í orrustu við Englandskonung norðarlega í landinu 25. september. Hvað hét hann?

8.  Englandskóngur þurfti þá að flýta sér suður á bóginn þar sem Vilhjálmur nokkur var kominn að landi með annan her. Hvaðan kom Vilhjálmur þessi?

9.  Enn erum vér á kóngaslóðum. Margir Frakkakóngar báru nafnið Loðvík. Númer hvað var sá síðasti þeirra? Hér er aðeins átt við þá sem báru Loðvíksnafnið eitt.

10.  Og fyrst við erum byrjuð: Í gamla daga tíðkaðist nokkuð að sigursælir herforingjar og kóngar stofnuðu nýjar borgir á herferðum sínum, og nefndu þær gjarnan eftir sjálfum sér. Sumir borgir af þessu tagi visnuðu og hurfu, aðrar döfnuðu vel en skiptu sumar um nafn í tímans rás. En hver er fjölmennasta borgin af þessu tagi, sem enn í dag ber nafn af sínum sigursæla stofnanda?

***

Sú seinni myndaspurning hljóðar svo:

Hvað heitir konan á þeirri hinni neðri mynd hér að neðan?!

***

Svör við aðalspurningum:

1.  Eld-Klerkur.

2.  Þumlungur.

3.  Indlandi.

4.  Steingrímsfjörð.

5.  Tyrklandi.

6.  Miðjarðarhafið.

7.  Haraldur harðráði.

8.  Normandý.

9.  Átján.

10.  Alexandría í Egiftalandi, stofnuð af Alexander mikla.

***

Svör við myndaspurningum:

Á efri myndinni er Viktoría Bretadrottning.

Á neðri myndinni er Oddný Harðardóttir þingmaður Samfylkingarinnar.