Fyrri myndaspurning hér að ofan:

Hvaða bæ má þarna sjá úr lopti?

***

Aðalspurningar:

1.  Ólympíuleikum í Tókíó er nú nýlokið. Hvar voru síðustu ólympíuleikar haldnir?

2.  En ólympíuleikarnir 2012, hvar fóru þeir fram?

3.  Og þá liggur beint við að spyrja, hvar voru leikarnir 2008?

4.  Hver á að hafa sagt: „En af hverju étur fólk þá ekki kökur?“ þegar henni var sagt að fólk ætti ekki brauð?

5.  Í hvaða landi eða ríki fæddist sú kona?

6.  Photon heitir á alþjóðamálum eind ein örsmá, sem má — með hæfilegri einföldun — segi að beri áfram ljósið. Hvað kallast photon á íslensku?

7.  Hvaða ráðherraembætti gegndi Winston Churchill á Bretlandi áður en hann varð forsætisráðherra vorið 1940?

8.  „Í holu í jörðinni bjó hobbiti.“ Hver hóf þannig fræga skáldsögu?

9.  Í miklum sagnabálki sama höfundar leggja níu kátir félagar upp til að skila hring nokkrum sem er til vandræða orðinn. Einn af þeim níu er álfur, göfugur og prúður. Hvað heitir hann?

10.  Við hvaða núverandi götu í Reykjavík er talið að fyrsta mannabyggðin hafi staðið?

***

Önnur myndaspurning:

Hvaða Evrópuríki skartar þessum fána?

***

Svör við aðalspurningum:

1.  Ríó.

2.  London.

3.  Beijing.

4.  María Antonetta.

5.  Austurríki, Habsborgararíkinu.

6.  Ljóseind.

7.  Flotamálaráðherra.

8.  Tolkien.

9.  Legolas.

10.  Aðalstræti.

***

Svör við myndaspurningum:

Efri myndin sýnir Húsavík

Neðri myndin sýnir fána Serbíu

***

Og lítið á hlekkina hér að neðan!