Þessi grein birtist upphaflega í Stundinni fyrir meira en 3 árum.

Gosið stöðvaðist en fór aftur af stað

Minni órói mæld­ist í Geld­inga­döl­um í dag og gos­virkni lá að mestu niðri. Það fór þó í gang að nýju síðla kvölds.

Gosið stöðvaðist en fór aftur af stað
Aftur í gang Eldgosið eins og það leit út í vefmyndavél RÚV á miðnætti. Mynd: Vefmyndavél RÚV

Lítil eða engin virkni var í gosgígnum í Geldingadölum frá því eftir hádegi í dag og órói minnkaði. Gosið náði þó fyrri krafti að nýju eftir klukkan tíu í kvöld.

Nú seinnipartinn í dag hefur órói við Fagradalsfjall minnkað töluvert. Um sama leyti rofaði til á gosstöðvunum og vefmyndavélar sýna litla sem enga virkni í gígnum,“ sagði í tilkynningu Veðurstofunnar í dag.

Of snemmt var talið að segja til um hvort um tímabundið goshlé væri að ræða, eða hvort eldgosið væri þar með yfirstaðið. Þegar gosið stöðvast eða kvikustreymi og hraunrennsli minnkar aukast líkurnar á því að kvika storkni í gosrásinni og hefti frekara streymi. Ekki er þó útilokað að önnur gosop myndist og mikil óvissa er viðloðandi þróunina. Svo virðist sem annað gosop hafi opnast við hlið gígsins í kvöld.

Á vefmyndavél RÚV sást að það rauk úr gígnum en engin hreyfing var á hrauni þar til aftur seint í kvöld. Á öðrum vefmyndavélum sáust drónar, ferðafólk og stórvirkar vinnuvélar, en ekkert hraunstreymi.

Um kvöldmatarleytið varð örlítil aukning á óróa og sást hraun malla við gosopið.

Úr vefmyndavélMeðfylgjandi mynd fékkst úr vefmyndavél RÚV um klukkan 16.40 í dag. Henni var þá beint að gígnum í Geldingadölum. Myndavélin er staðsett á Langahrygg og sýnir ýmist gíginn eða útsýni yfir Syðri-Merardali, sem stundum eru kallaðir Nafnlausi dalur.
GosóróinnÁ myndinni sést gosóróinn síðustu daga. Þar sést að hann féll langt niður á mánudag, en reis af krafti að nýju. Óróinn nú mældist aftur mun minni í dag en þegar gosið var stöðugt. Óróinn náði síðan sömu tíðni að nýju eftir því sem leið á kvöldið og hraunstreymi kom aftur í ljós.

Gosið stöðvaðist síðast á mánudagskvöld en hófst aftur að nýju af miklum krafti á þriðjudagskvöld. Því var talið hugsanlegt að það hæfist á ný með sama sniði eða í breyttri mynd.

Fyrir áhugasama má sjá óróagröf Veðurstofunnar á Fagradalsfjalli á meðfylgjandi slóð.

Á sama tíma og eldgosið hafðist nánast stöðvast stóðu yfir deilur landeigenda við rekstraraðila í ferðaþjónustu. Landeigendur fengu samþykkt lögbann á lendingar þyrlna Norðurflugs og krefjast 20 þúsund króna fyrir hverja lendingu. Þá standa yfir framkvæmdir við Nátthaga sem hindra eiga rennsli hrauns yfir Suðurstrandarveg.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Eldgos við Fagradalsfjall

Mest lesið

Júlía Margrét Alexandersdóttir
6
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár