Hér neðst er hlekkur á síðustu þraut, takið eftir því.

***

Fyrri aukaspurning:

Hver er karlinn á myndinni hér að ofan?

***

Aðalspurningar:

1.  Hvað kallast hinir breytilegu vindar á Indlandi og Suðaustur-Asíu sem færa stundum með sér mikið regn?

2.  Í hvaða heimsálfu er landið Belize?

3.  Hvað er hnallþóra?

4.  Í eina tíð deildu menn á Íslandi um hvort væri betri, Deutz eða Massey Ferguson. Hvaða fyrirbæri voru — og eru — það?

5.  Högni Egilsson hefur lengst af verið kenndur við hljómsveitina ... ja, hvaða hljómsveit?

6.  Hin kínverska Ju Wenjun er heimsmeistari í kvennaflokki á tilteknu sviði og hefur verið síðan 2017. Frá 1991 hafa fimm kínverskar konur haldið heimsmeistaratitlinum fyrir utan níu ár sem konur frá Ungverjalandi, Rússlandi, Búlgaríu og Úkraínu hafa setið á toppnum. Áður höfðu sovéskar konur haldið heimsmeistaratigninni í þessari grein í 40 ár. Hvaða grein?

7.   Louise Glück fékk ákveðna viðurkenningu síðastliðið haust. Fáir höfðu giskað á að henni myndi hlotnast heiðurinn sá. Hvaða viðurkenning var þetta?

8.  Hvaða söngkona gerði lagið „Það er draumur að vera með dáta“ ódauðlegt með öllu?

9.  Nanna Rögnvaldardóttir hefur unnið við skriftir og bókaútgáfu í áratugi og einkum verið kunn fyrir skrif á einu tilteknu sviði en um það hefur hún gefið út fjölda bóka. Hvaða svið er það?

10.  Hver leikur hótelstýruna á Hótel Vík í sjónvarpsseríunni Kötlu?

***

Seinni aukaspurning:

Hver er hún, konan á myndinni hér að neðan?

***

Svör við aðalspurningum:

1.  Monsún.

2.  Norður-Ameríku.

3.  Þykk og mikil terta.

4.  Traktorar.

5.  Hjaltalín.

6.  Skák.

7.  Nóbelsverðlaun í bókmenntum.

8.  Soffía Karlsdóttir.

9.  Matargerð.

10.  Guðrún Gísladóttir.

***

Svör við aukaspurningum:

Á efri myndinni er Heinrich Himmler.

Á neðri myndinni er Helga Möller.

Hér fyrir neðan eru svo hlekkir á síðustu þraut og — frá og með morgundeginum — á þá næstu líka!