Sé klikkað á þennan hlekk hér, þá birtist þrautin frá því í gær.

***

Fyrri aukaspurning:

Hvað heitir eldfjallið sem þarna gýs á eyju nokkurri árið 2019?

***

Aðalspurningar:

1.   Land nokkurt í Evrópu var eitt af þeim stærstu og voldugustu í álfunni á sínum tíma en fór svo að hnigna og nálæg ríki hirtu af því æ stærri bita 1772, 1793 og 1794, uns það var loks alveg horfið af landakortinu. Hvaða land er hér um að ræða?

2.   Bíómynd ein var gerð árið 1994 og þar leika Tim Robbins og Morgan Freeman aðalhlutverkin auk þess sem stjarna úr svarthvítu myndunum, Rita Hayworth, kemur nokkuð við sögu. Hún leikur þó ekki í myndinni, enda dó hún 7 árum áður en myndin var gerð. En hvað heitir þessi bíómynd?

3.   Myndin er gerð eftir sögu rithöfundar sem heitir ...?

4.   Eftir hvern er leikritið Sölumaður deyr?

5.   „Beat It“ heitir fjögurra mínútna og átján sekúndna langt lag sem kom út á stórri hljómplötu seint á árinu 1982. Platan varð sú vinsælasta í sögunni. Hvað heitir þessi plata?

6.   Á plötunni syngur og leikur einn harla frægur tónlistarmaður sem einnig semur öll lögin. Og þó — eitt lag, „This Girl Is Mine“, er samið og sungið af öðrum frægum músíkant í félagi við aðalmanninn. Hvað heitir þessi eini gestur á plötunni?

7.   Hvað hét eiginkona Seifs þrumuguðs Forn-Grikkja?

8.   „Skaltu það muna, vesall maður, meðan þú lifir að kona hefur barið þig.“ Í hvaða sögu koma þessi orð fyrir?

9.   Ríkið Austur-Tímor varð sjálfstætt árið 2002 þegar það braust undan ... hvaða ríki öðru?

10.   Hvaðan er leikarinn víðfrægi Anthony Hopkins? Hér verður svarið að vera nákvæmt.

***

Seinni aukaspurning:

Konan á myndinni hér að neðan heitir Ilona Staller en meðan hún var sem frægust, þá var hún reyndar kunn undir öðru nafni. Hún hefur fengist við ýmislegt um ævina, en nefnið þau TVÖ störf — býsna ólík — sem hún var kunnust fyrir að gegna fyrir um 30 árum. Nefna verður bæði til að fá rétt.

***

Svör við aðalspurningum:

1.   Pólland.

2.   Shawshank Redemption.

3.   Stephen King.

4.   Miller.

5.   Thriller.

6.   Paul McCartney.

7.   Hera.

8.   Gíslasögu Súrssonar.

9.   Indónesíu.

10.   Veils. Ekki dugar að segja Bretland, hvað þá England!

***

Svör við aukaspurningum:

Á efri myndinni er eldfjallið Stromboli á samnefndri smáeyju út af Ítalíuströndum, en það gýs oftar en ekki.

Á neðri myndinni er ítalska KLÁMSTJARNAN Cicciolina sem sat um tíma sem ÞINGMAÐUR á ítalska þinginu.

***

Þá birtist þrautin frá því í gær.