Þrautin frá í gær. Reynið yður við hana!

***

Fyrri aukaspurning:

Af hvaða tegund er hundurinn hér að ofan?

***

Aðalspurningar:

1.   Høgni Karsten Hoydal var um skeið sjávarútvegsráðherra — hvar?

2.   Hvað heitir borgin þar sem hinir bandarísku Simpson-þættir gerast?

3.   Hvaða fyrirbæri var Kon-Tiki sem var í sviðsljósinu árið 1947?

4.   Með hvaða fótboltaliði spilar franski sóknarmaðurinn Karim Benzema?

5.   The Feminine Mystique er eitt af grundvallarritum femínismans en bókin sú kom fyrst út í Bandaríkjunum 1963. Hver var höfundurinn?

6.   Junko Tabei þótti líka vera brautryðjandi fyrir konur, þegar hún vann fyrst kvenna ákveðið afrek árið 1975. Karlmenn höfðu fyrst unnið þetta afrek árið 1953, en nú er talið að rúmlega 4.000 manns hafi gert þetta, bæði karlar og konur. Hvað gerði Junko Tabei árið 1975?

7.   Argentínumaður komst í fréttirnar fyrir örfáum dögum þegar hann gat — vegna einhverra undarlegra mistaka — keypt lén alþjóðlegs risafyrirtækis í heimalandi sínu fyrir um 300 krónur íslenskar. „Lén“ er eins og menn vita „heimilisfang“ á netinu. Málið þótti hið vandræðalegasta fyrir fyrirtækið, enda á það að kunna góð skil á hvernig kaupin gerast á eyrinni á netinu. Hvaða fyrirtæki var þetta?

8.   Hvað hét bærinn þar sem Jón Sigurðsson sjálfstæðishetja Íslendinga fæddist?

9.   Hver skrifaði bókina Hroki og hleypidómar, eða Pride and Prejudice?

10.   Hvaða „golf“ er það sem golfstraumurinn er kenndur við?

***

Síðari aukaspurning:

Ljósu svæðin á myndinni hér að neðan eru tvær höfuðborgir, séðar úr mikilli hæð án skýjahulu. Það eru rétt rúmir 200 kílómetrar milli þeirra. Nefnið að minnsta kosti aðra höfuðborgina.

***

Svör við aðalspurningum:

1.   Í Færeyjum.

2.   Springfield.

3.   Fleki.

4.   Real Madrid.

5.   Friedan.

6.   Kleif Everest.

7.   Google. Fyrirtækið fékk lénið sitt aftur án þess að endurgreiða einu sinni Argentínumanninum.

8.   Hrafnseyri.

9.   Jane Austen.

10.   Mexíkóflói — eða „the GULF of Mexico“.

***

Svör við aukaspurningum:

Á efri myndinni er pitbull-hvutti.

Á neðri myndinni má sjá Buenos Aires, höfuðborg Argentínu, og Montevideo, höfuðborg Úrúgvæ.

Á litla kortinu hér má sjá hvar borgirnar eru í hinu stærra samhengi.

*** 

Og þrautin frá í gær,  hún er svo hér.