Hér er hlekkur á þrautina frá í gær.

***

Fyrri aukaspurning:

Hver er sá karl sem horfir á oss af myndinni hér að ofan?

***

Aðalspurningar:

1.   Hversu margir Íslendingar er talið að hafi flust vestur um haf á árunum 1870-1914 og ekki snúið aftur til Íslands? Hér má skeika 2.000 manns til eða frá.

2.   Í Noregi eru ýmsir bæir og borgir, þar á meðal Stavanger, Tromsø og Trondheim. Bæirnir eru hér í stafrófsröð samkvæmt norskum rithætti. En hver er nyrstur bæjanna þriggja og hver er syðstur? 

3.   En hversu oft hefur Noregur unnið Eurovision söngvakeppnina?

4.   José Mourinho heitir einn frægasti fótboltaþjálfari heimsins. Hann hefur víða farið, en í þeim lista fótboltaliða sem hér má sjá á eftir (í stafrófsröð) er eitt lið sem Mourinho hefur EKKI þjálfað. Hvaða lið er það? Benfica — Chelsea — Dortmund — Inter Milan — Manchester United — Porto — Real Madrid — Tottenham — União de Leirea.

5.   Hvaða ríki tilheyrir eyjan Korfu?

6.   Milli hvaða tveggja pláneta er aðal loftsteinabeltið í innri hluta sólkerfis okkar?

7.   Hver orti ljóðabálkinn um Tímann og vatnið um miðja 20. öld?

8.   En hver skrifaði bókina Um tímann og vatnið fyrir fáeinum árum?

9.   Hvaða ár tók Angela Merkel við embætti kanslara Þýskalands?

10.   Lególas heitir prins einn af álfakyni. Úr hvaða sagnaheimi kemur hann?

***

Seinni aukaspurning:

Hvaða söngkona er hér á mynd?

***

Svör við aðalspurningum:

1.   Hin venjulega tala yfir vesturfara er 15.000. Rétt telst því vera 13.000-17.000.

2.   Trömsö er nyrstur, þá kemur Trondheim og syðstur er Stavanger.

3.   Þrisvar.

4.   Dortmund.

5.   Grikklandi.

6.   Mars og Júpíter.

7.   Steinn Steinarr.

8.   Andri Snær.

9.   2005.

10.   Tolkiens. Einnig er gefið rétt fyrir Hringadróttinssögu.

***

Svör við aukaspurningum:

Á efri myndinni er Sigmund Freud sálfræðingur.

Á neðri myndinni er Mariah Carey.

***

Hér er hlekkur á þrautina, sem birtist í gær.