Hér er hlekkur á þrautina frá í gær.

***

Fyrri aukaspurning:

Hver málaði myndina hér að ofan?

***

Aðalspurningar:

1.   Undir hvaða nafni þekkjum við Ástu S. Guðbjartsdóttur best?

2.   Árið 1937 hvarf frægur flugkappi á Kyrrahafi og hefur hvarfið síðan orðið tilefni ótal rannsókna, bóka, sjónvarps- og útvarpsþátta. Hvað hét flugkappinn?

3.   Í hvaða landi er Tel Aviv?

4.   Hvað hét söngkona Spilverks þjóðanna?

5.   Tónlistarmaður einn hét Jóhann G. Jóhannsson. Hann var af hippakynslóðinni og var meðal annars í frægri hljómsveit sem hér er spurt um. Framan af voru ýmsir í hljómsveitinni en kunnasta útgáfa hennar var tríó sem Jóhann, Ólafur Garðarsson og Finnur Torfi skipuðu. Hvað nefndist þetta rómaða tríó?

6.   Og hvað heitir frægasta lag Jóhanns G. Jóhannssonar, sem kom út á plötunni Langspil árið 1974?

7.  Annar Jóhann G. Jóhannsson er líka tónlistarmaður. Hann hefur fengist við sitt af hverju en er kannski kunnastur fyrir starf sitt í leikhúsinu. Jóhann gerði meðal annars tónlist við texta Þorvaldar Þorsteinssonar í ævintýralegum söngleik árið 1994, þar sem dvergar komu heilmikið við sögu. Hvað nefndist söngleikurinn?

8.   Þriðji Jóhann G. Jóhannsson er líka tónlistarmaður. Hann var í ýmsum hljómsveitum, svo sem rokkhljómsveitinni HAM um tíma, en einnig í hljómsveit nokkurra orgelleikara (og fáeinna annarra músíkanta). Hvað hét sú hljómsveit?

9.   Þessi Jóhann G. Jóhannsson náði miklum frama sem kvikmyndatónskáld og var tilnefndur til Óskarsverðlauna og fékk Golden Globe verðlaun fyrir tónlist sína í mynd frá 2014. Hana gerði leikstjórinn James Marsh. Hvað hét myndin?

10.   Sú mynd fjallaði um ævi karls nokkurs. Hver var það?

***

Síðari aukaspurning.

Hér að neðan má sjá leikara einn sem hefur undanförnu leikið mest í sjónvarpi og bíómyndum, og reyndar ekki aðeins á Íslandi. Nú síðast sást hann í seríunni Systrabönd. Hvað heitir hann?

***

Svör við aðalspurningum:

1.    Ástu Sóllilju, dóttur Bjarts í Sumarhúsum eftir Halldór Laxness.

2.   Amelia Aerhart. Hér dugar annaðhvort nafnið.

3.   Ísrael.

4.   Diddú, Sigrún Hjálmtýsdóttir.

5.   Óðmenn.

6.   Don't Try To Fool Me. (Sjá hér.)

7.   Skilaboðaskjóðan.

8.   Apparat Organ Quartet.

9.   A Theory of Everything.

10.   Hún fjallar um ævi eðlisfræðingsins Stephen Hawking.

***

Svör við aukaspurningum:

Magritte málaði málverið hér efst.

Á neðri myndinni er Jóhann G. Jóhannsson leikari.

***

Og hér er hlekkur á þrautina frá í gær.