Hér er hlekkur á spurningaþraut gærdagsins!
***
Fyrri aukaspurning:
Konan, sem hér sést milli sona sinna tveggja árið 1968, varð það ár fyrst kvenna til að gegna ákveðnu ábyrgðarstarfi. Hvað hét hún?
***
Aðalspurningar:
1. Með hvaða fótboltaliði leikur franski snillingurinn Kylian Mbappé?
2. Anthony Armstrong-Jones hét ljósmyndari einn, breskur að ætt. Hann þótti bærilegur í sínu fagi, en er þó langtum þekktari fyrir annað. Hvað er það?
3. Ákveðinn stjórnmálaflokkur notar fíl sem tákn sitt. Hvaða flokkur er það?
4. Í hvaða héraði í Kanada hafa stundum heyrst raddir um að héraðið ætti að taka sér sjálfstæði?
5. Hverjir geta fengið Fjöruverðlaunin svonefndu í ýmsum flokkum bókmennta?
6. Hin 19 ára gamla Nanna Birk Larsen fannst látin í nágrenni Kaupmannahafnar í upphafi árs 2007. Hún hafði verið myrt. Þessi líkfundur varð upphafið að hverju?
7. Í hvaða landi er uppruni leiksins „go“?
8. Hver stofnaði stjórnmálaflokkinn Þjóðvaka á síðasta áratug síðustu aldar?
9. Hvar á Suðurlandi var biskupsstóll þangað til um árið 1800?
10. Hvað mistókst Adolf Hitler bæði 1907 og 1908?
***
Síðari aukaspurning:
Á myndinni hér að neðan má sjá bresku leikarana Richard Harris og Michael Gambon í sama hlutverkinu. Hvaða hlutverk var það?
***
Svör við aðalspurningum:
1. Paris Saint Germain. Það dugar reyndar að nefna Paris.
2. Hann var kvæntur Margréti prinsessu á Bretlandi.
3. Repúblikanaflokkurinn í Bandaríkjunum.
4. Quebec.
5. Konur.
6. Hinum rómuðu glæpaþáttunum Forbrydelsen eða Glæpnum.
7. Kína.
8. Jóhanna Sigurðardóttir.
9. Skálholt.
10. Að komast í Listakademíuna í Vínarborg.
***
Svör við aukaspurningum:
Konan á efri myndinni hét Margrét Indriðadóttir og varð fréttastjóri Ríkisútvarpsins fyrst kvenna.
Á neðri myndinni eru þeir Harris og Gambon báðir í hluverki galdrameistarans Dumbledore í Harry Potter-myndunum.
***
Spurningaþrautin
Fyrri grein
354. spurningaþraut: Ásta S. Guðbjartsdóttir, Jóhann G. Jóhannsson og fleiri
Næsta grein
Athugasemdir