***
Fyrri aukaspurning:
Hvað heitir maðurinn á myndinni hér að ofan? Eftirnafnið dugar.
***
Aðalspurningar:
1. Lóan er komin að kveða burt snjóinn. Hver orti kvæði það er svo hófst?
2. Hvaða tónlistarmaður fékk á dögunum fern af hinum svonefndu Hlustendaverðlaunum, þar á meðal bæði fyrir plötu ársins og lag ársins?
3. Hvað heitir plata ársins samkvæmt Hlustendaverðlaununum?
4. Spennusería sem Sjónvarp símans frumsýndi um páskana fjallar um leyndarmál sem þrjár æskuvinkonur eiga sér. Hvað heitir sería þessi?
5. Og hver er leikstjóri seríunnar?
6. Hvaða þjóðhöfðingi á Norðurlöndum er helst tengdur hinu svonefnda Kalmarsambandi og kom því í raun á laggirnar?
7. Ef við lítum á Reykjanes sem stígvél, þá er einn þéttbýliskjarni nánast alveg úti á tá stígvélisins. Hvað nefndist hann?
8. En undir stígvélinu — framarlega — er hins vegar annað þorp. Hvað heitir það?
9. Hver var forseti Bandaríkjanna á undan Ronald Reagan?
10. Í hvaða landi er höfuðborgin Zagreb?
***
Seinni aukaspurning:
Hér að neðan má sjá Emily Blunt í hlutverki sínu í ákveðinni kvikmynd frá 2015 sem tengist Íslandi með ákveðnum hætti. Hvað heitir myndin?
***
Svör við aðalspurningum:
1. Páll Ólafsson.
2. Bríet.
3. Kveðja, Bríet.
4. Systrabönd.
5. Silja Hauksdóttir.
6. Margrét.
7. Garður.
8. Sandgerði.
9. Jimmy Carter.
10. Króatíu.
***
Svör við aukaspurningum.
Á efri myndinni er annaðhvort Wilbur eða Orville Wright, sem sé annar bræðranna sem fyrstir manna flugu vélflugu. Myndin er tekin í tilraunaflugi.
Á neðri myndinni er Blunt í hlutverki sínu í myndinni Sicario sem Jóhann G. Jóhannsson samdi við tónlist.
***
Spurningaþrautin
Fyrri grein
352. spurningaþraut: Sveiflukóngur, Beckett, Kasparov, Nyerere og fleiri
Næsta grein
Athugasemdir