Athafna­mað­ur­inn Sigmar Vil­hjálms­son vinnur að stofnun nýrra sam­taka fyr­ir­tækja í sam­keppni við Samtök atvinnu­lífs­ins. Hann hefur áður varað við hækk­unum lægstu launa, en vill nú vinna að því að hækka þau.

„Hagur lít­illa og milli­stórra fyr­ir­tækja er sá að lægstu laun hækki og kaup­máttur auk­ist. Þannig skap­ast tæki­færi fyrir þessi fyr­ir­tæki til að eiga í við­skiptum við þá ein­stak­linga sem ann­ars væru ekki í aðstöðu til þess,“ segir hann í sam­tali við Stundina. Hann álítur nú að hækkun lægstu launa lands­ins séu í hag lít­illa og með­al­stórra fyr­ir­tækja.

Sigmar segir að 78 pró­sent íslenskra laun­þega starfi hjá litlum og með­al­stórum fyr­ir­tækjum. Hann telur Samtök atvinnu­lífs­ins ekki til þess fallin að standa vörð um hag þessa stóra hóps, að end­ur­skoða þurfi allt gang­verk hins opin­bera þannig að það miði við stærð­ar­hlut­föll frekar en föst gjöld til að auð­velda fjöl­breyttan rekstur. Hann segir að þótt hug­mynda­vinnan sé komin langt að þá sé …