Þrautin frá í gær.

***

Þar sem númer þrautar endar á núlli, þá snúast spurningarnar að venju um eitt og sama þemað.

Að þessu sinni er þemað Kína.

Og fyrri aukaspurning snýst um myndina hér að ofan:

Hvar er þetta mannvirki?

***

Aðalspurningar:

1.   Stjórn Kína hefur að undanförnu sætt vaxandi gagnrýni fyrir á alþjóðavettvangi fyrir harðræði sem hún sýnir þjóð Úígúra, sem búa í norðvesturhluta Kína. Að hvaða leyti helst skera Úígúrar sig frá öðrum Kínverjum?

2.   Kínverjar eru frægir uppfinningamenn. Hvað af þessum fimm fyrirbærum var EKKI fundið upp í Kína (svo vitað sé), ólíkt hinum fjórum? — áttaviti, hjólið, pappír, prentun, púður. 

3.   Hvað heitir höfuðborgin í Kína?

4.   Hver af þessum fimm ám rennur EKKI um kínverska grund? — Amur, Bramaputra, Huang-he (Gulafljót), Jangtse, Mekong.

5.    Hversu margir eru Kínverjar? Hér má skeika nærri 100 milljónum!

6.   Hvað heitir gjaldmiðillinn í Kína?

7.    Þegar Ítalinn Marco Polo kom til Kína, fyrstur vestrænna ferðalanga í langan tíma, í lok 13. aldar, þá var tiltölulega nýorðinn keisari í Kína maður af mongólskum ættum. Hvað hét hann?

8.   Hver er fjölmennasta borgin í Kína?

9.   Hvaða vestræni tónlistarmaðurinn flutti lagið Little China Girl árið 1983 — þótt það hafi raunar komið út fyrst fimm árum fyrr?

10.   Árið 1949 tóku kommúnistar völdin í Kína. Forráðamenn fyrri stjórnar flúðu til Taívan. Hver var æðsti maður þeirrar stjórnar?

***

Seinni aukaspurning:

Hver er maðurinn á myndinni hér að neðan?

***

Svör við aðalspurningum:

1.   Þeir eru múslimar.

2.   Hjólið.

3.   Bejing.

4.   Mekong. Amur rennur á landamærum Kína og Rússlands og Bramaputra kemur upp í Tíbet.

5.   Kínverjar teljast nú vera 1.398 milljónir. Rétt má vera allt frá 1.300 milljónum til 1.500 milljóna.

6.   Júan.

7.   Kublai Khan.

8.   Shanghaí.

9.   David Bowie. Sjáið og heyrið lagið hér.

10.   Shang Kaí-sjek.

***

Svör við aukaspurningum:

Potala-höllin er í Tíbet.

Maðurinn á myndinni er Mao Zedong, síðar formaður.

***

Þrautin frá í gær!