***
(Hér er svo auka-þraut í tilefni páskanna.)
***
Aukaspurningar eru tvær að þessu sinni. Sú fyrri á við myndina hér að ofan. Spurningin er einföld: Hvað kallar hún sig, konan á myndinni?
***
Aðalspurningar:
1. Hvers konar tól eða tæki var kallað „Excalibur“?
2. Í hvaða landi heitir höfuðborgin Havana?
3. Aðeins eru 50-60 kílómetrar í beinni loftlínu milli tveggja höfuðborga í Evrópu. Hverjar eru þær?
4. Ein öld mannkynssögunnar er iðulega nefnd „upplýsingaöldin“. Hvaða öld er það?
5. Neðanjarðarlestakerfi eru í fjórum borgum Bretlandseyja. London er ein þeirra og Glasgow önnur. Hverjar eru hinar tvær? Hafa verður báðar réttar!
6. Hvaða leikstjóri gerði þrjár langar og miklar kvikmyndir eftir Hringadrottinssögu, eða The Lord of the Rings?
7. Eitt af hinum sjö undrum fornaldar voru svokallaðir „hengigarðar“ í hvaða borg?
8. Leiktíðina 1982-83 var ungur fótboltamaður á snærum Manchester United og spilaði einn leik fyrir liðið — í deildarbikarnum. United hafði ekki trú á honum og hann hélt á brott. Seinna á ferlinum spilaði hann m.a. fyrir Liverpool, Everton og Manchester City og er eini fótboltakarlinn sem spilað hefur fyrir öll þessi fjögur lið. Hvað heitir hann?
9. Hvað heitir fullu nafni algengasta tegundin af sóley á Íslandi?
10. Hvaða ár voru Sovétríkin lögð niður?
***
Seinni aukaspurning.
Á myndinni hér að neðan er kona sem var skipuð kennslustjóri við Háskóla Íslands árið 1994. Þá birtist þessi mynd í Morgunblaðinu. Hvað heitir konan?
***
Svör við aðalspurningum:
1. Sverð.
2. Kúba.
3. Vínarborg (Austurríki) og Bratislava (Slóvakíu).
4. Átjánda öldin.
5. Liverpool og Newcastle.
6. Peter Jackson.
7. Babýlon.
8. Peter Beardsley.
9. Brennisóley.
10. 1991.
***
Svör við aukaspurningum:
Á efri myndinni er Lana del Rey.
Á neðri myndinni er Svandís Svavarsdóttir.
***
Athugasemdir