Hér er hlekkur á þrautina síðan í gær.
***
Aukaspurningar:
Þetta fremur hrörlega hús við Rue Oudinot í París komst í fréttirnar síðastliðið sumar. Hvers vegna? Ef þú veist það ertu komin eða kominn með svar við fyrri aukaspurningu.
***
Aðalspurningar:
1. Maður nokkur var þriðji forseti Bandaríkjanna, sat í embætti 1801-1809 en hafði áður átt mikinn þátt í móta stjórnskipun og hugmyndafræði hins nýja ríkis um og eftir sjálfstæðisbaráttuna. Hann var til dæmis aðalhöfundur sjálfstæðisyfirlýsingarinnar 1776. Hvað hét hann?
2. Hvaða skóli vann á dögunum spurningakeppnina Gettu betur?
3. Þótt Ísland og Ítalía beri höfuð og herðar yfir önnur Evrópuríki hvað virk eldfjöll varðar, þá eru þó fáein slík í öðrum löndum álfunnar. Árið 1985 varð til dæmis eldgos í Noregi, þar sem heitir Beerenberg. Hvar í Noregi er það?
4. Í fjalli í öðru Evrópulandi gaus síðast árið 1950 og þá varð sumum ekki um sel því þegar þar gaus einu sinni fyrir eitthvað rúmlega 3.000 árum, þá beinlínis tætti fjallið í sundur heila eyju, svo hún er ekki svipur hjá sjón síðan. Hvað heitir sú eyja?
5. Í þriðja Evrópulandinu er fjall sem heitir Teide og gaus árið 1909. Fjallið er á eyju, eins og fleiri eldfjöll, og ef það skyldi nú fara að gjósa aftur, þá gæti það truflað líf allmargra Íslendinga. Hvað heitir eyjan þar sem fjallið Teide er að finna?
6. Kona nokkur fæddist 1797 og var fyrstu áratugina kölluð Belle Baumfree. Þegar hún var komin yfir fertugt gaf hún sjálfri sér nafnið Sojourner Truth, því þá gerðist hún eldheit baráttukona bæði FYRIR kvenréttindum en einkum og sér í lagi GEGN ... hverju?
7. Callisto er þriðja stærsta tungl sólkerfisins, töluvert stærra en okkar tungl. Kringum hvaða plánetu snýst Callisto?
8. Í bíómyndum og bókum er gjarnan talað um að fyrrum hafi miklar hjarðir buffaló-uxa reikað um sléttur Norður-Ameríku. En sannleikurinn er sá að þessir norður-amerísku „buffalóar“ eru lítið skyldir raunverulegum buffaló-uxum sem búa aðallega í Afríku sunnan Sahara og á Indlandi og Suðaustur-Asíu. Hvaða tegundarheiti er miklu nær að nota um þennan ameríska nautgrip?
9. Í hvaða borg er sixtínska kapellan?
10. Blábokka, skeggbokka og fiskibokka eru nöfn á náskyldum tegundum dýrs, sem er mjög algengt á Íslandi. Fæstir gera nokkurn greinarmun á þessum þremur tegundum. En hvaða nafn eða nöfn eru algengust yfir þessi dýr?
***
Síðari aukaspurning:
Þetta er skjáskot úr stuttri teiknimynd sem tilnefnd er til Óskarsverðauna þetta árið. Hvað skyldi hún heita?
***
Svör við aðalspurningum:
1. Jefferson.
2. Verslunarskólinn.
3. Á Jan Mayen.
4. Santorini (eða Thiru) á Grikklandi.
5. Tenerife, sem tilheyrir Spáni.
6. Þrælahaldi í Bandaríkjunum.
7. Júpíter.
8. Bíson. Eða vísundur upp á íslensku.
9. Róm.
10. Fiskifluga eða maðkafluga.
***
Svör við aukaspurningum:
Í kjallara þess fannst lík sem þar hafði legið óhreyft í 30 ár. Það dugar að nefna lík.
Og teiknimyndin sem spurt er um heitir Já-fólkið. Gísli Darri Halldórsson gerði hana.
***
Athugasemdir