Þáttaröðin Ísland: bíóland hefur göngu sína á RÚV sunnudaginn 14. mars. Þættirnir eru í tíu hlutum og fjalla um sögu íslenskra kvikmynda frá byrjun tuttugustu aldarinnar til dagsins í dag.

Ásgrímur Sverrisson er leikstjóri þáttanna, skrifar handrit og er þulur, en hver hluti tekur ákveðið tímabil fyrir, þar sem fjallað er um kvikmyndir þess tíma og valdir kaflar sýndir úr þeim. Farið er yfir inntak þeirra, áherslur, nálgun og aðstæðurnar sem þær eru gerðar í.

Alls eru í kringum 200 kvikmyndir nefndar til sögu og sýnd brot úr fjölmörgum heimildamyndum og -þáttum sem komið hafa út um íslenskar kvikmyndir. Rúmlega 120 viðmælendur koma fram í þáttunum úr röðum leikstjóra, framleiðenda, handritshöfunda, leikara, annarra kvikmyndagerðarmanna, auk fjölmargra innlendra og erlendra kvikmyndasérfræðinga.

Undirbúningur og rannsóknarvinna vegna þáttanna hófst árið 2016 og lauk vinnslu þeirra í árslok 2020. Þættirnir eru gerðir í samvinnu við Kvikmyndasafn Íslands, en framlag safnsins og starfsmanna þess fólst …