Hafirðu misst af þrautinni í gær, þá er hún hér.

***

Fyrri aukaspurning:

Hver er á myndinni hér að ofan, ögn yngri en hún er núna?

***

Aðalspurningar:

1.   Samsung heitir tæknifyrirtæki sem framleiðir meðal annars farsíma. Í hvaða landi er Samsung upprunnið?

2.   Í ágúst 1969 var haldin víðfræg tónlistarhátíð í New York-ríki í Bandaríkjunum. Hún er kennd við jörðina þar sem hátíðin fór fram. Hvað kallast hún?

3.   Leikstjóri einn birtist 37 sinnum í sínum eigin bíómyndum, en þó aðeins í örfáar sekúndur í hvert sinn og oftast tóku áhorfendur ekkert eftir honum. Hver er þessi leikstjóri?

4.   Hver lék Mary Poppins í bíómyndinni frá 1964?

5.   Árlegur úrslitaleikur í hinum svokallaða ameríska fótbolta fór að þessu sinni fram 7. febrúar. Hvað kallast þessi úrslitaleikur?

6.   Að þessu sinni sigraði liðið Tampa Bay Buccaneers örugglega í þessum leik og leikstjórnandi liðsins skráði nafn sitt í sögubækur þessarar íþróttar. Hann er orðinn 43 ára gamall en var valinn besti leikmaður úrslitaleiksins. Hvað heitir hann?

7.   Í hvaða landi er dagblaðið Politiken gefið út?

8.   Maður nokkur hefur víða komið við, verið blaðamaður og ritstjóri, forstjóri fjölmiðlafyrirtækis og fleira, en  er nú einn helsti forkólfur hins nýja Sósíalistaflokks. Hvað heitir hann?

9.   Í rúmar tvær aldir — frá um það bil 1550 og langt fram á 18. öld — var eitt víðlendasta ríki Evrópu sambandsríki Póllands og ... hvaða ríkis?

10.   Hvað hét goðinn sem sagður hafa ákveðið á Alþingi að Íslendingar skyldu taka upp kristni svo ekki kæmi til borgarastyrjaldar í landinu?

***

Seinni aukaspurning:

Í hvaða vinsælu scifi sjónvarpsþáttum og bíómyndum ber þetta geimfar reglulega fyrir sjónir?

***

Svör við aðalspurningum:

1.   Suður-Kóreu.

2.   Woodstock.

3.   Hitchcock.

4.   Julie Andrews.

5.   Super Bowl, Ofurskálin.

6.   Tom Brady.

7.   Danmörku.

8.   Gunnar Smári.

9.   Litháens.

10.   Þorgeir.

***

Svör við aukaspurningum:

Á efri myndinni má sjá söngkonuna Madonnu unga að árum.

Á neðri myndinni er USS Enterprise úr Star Trek-þáttum og myndum.

***

Hlekkur á síðustu þraut.