Gærdagsþrautin, hér er hlekkur á hana.
***
Aukaspurning númer eitt:
Á myndinni hér að ofan má sjá bandaríska leikarann Jack Nicholson sitja aftan á mótorhjóli í kvikmynd frá 1969. Hann er kannski ekki mjög auðþekkjanlegur en þetta er samt hann. Hvað heitir bíómyndin?
***
Aðalspurningar:
1. Til er nákvæm ættartala Andrésar Andar. Frá hvaða landi kom móðurfjölskylda Andrésar?
2. Hvað ár gengu Íslendingar í hernaðarbandalagið NATO?
3. Hersveitir NATO hafa blessunarlega látið fremur sjaldan að sér kveða í nafni bandalagsins. Frá mars til júní 1999 stóð bandalagið þó fyrir loftárásum á tiltekið ríki í Evrópu. Hvaða ríki var það?
4. Annar af tveimur öldungadeildarþingmönnum Vermont-ríkis í Bandaríkjunum heitir Patrick Leahy. Hvað heitir hinn?
5. Hvaða tónlistarmaður gaf út plöturnar 1000 kossa nótt, Í sex skrefa fjarlægð frá Paradís og Fjórir naglar?
6. Hvaða land er milli risanna Argentínu og Brasilíu og á ekki landamæri að öðrum ríkjum?
7. Árið 1998 fékk leikkona ein tilnefningu til Óskarsverðlauna fyrir að leika drottningu eina. Hún vann ekki. Árið 2008 brá svo við að leikkonan lék sömu drottningu í annarri bíómynd, og var þá aftur tilnefnd til Óskarsverðlauna. En hún vann þau heldur ekki í þetta sinn. Ýmis önnur fékk hún þó fyrir hlutverk sína í báðum myndunum, og hún hefur reyndar unnið Óskarsverðlaun tvisvar fyrir önnur hlutverk í öðrum myndum. En hver er þessi leikkona?
8. Og hver var þessi drottning sem hún hefur sem sé leikið í tvígang?
9. Hvað eiga eyjarnar Elba og St.Helena sameiginlegt?
10. Hvað heitir Eurovision-lag Íslendinga fyrir árið 2021?
***
Seinni aukaspurning:
Hvað heitir fuglinn hér að neðan?
***
Svör við aðalspurningum:
1. Skotlandi.
2. 1949.
3. Júgóslavíu — en ég ætla líka að gefa rétt fyrir Serbíu.
4. Bernie Sanders.
5. Bubbi Morthens.
6. Úrúgvæ.
7. Cate Blanchett.
8. Elísabet Englandsdrottning I.
9. Á þeim var Napóleon Bonaparte vistaður eftir að hann hrökklaðist frá völdum í Frakklandi.
10. Ten Years eða Tíu ár.
***
Svör við aukaspurningum:
Efri myndin er úr kvikmyndinni Easy Rider.
Á neðri myndinni er himbrimi
***
Spurningaþrautin
Fyrri grein
318. spurningaþraut: „Þorbjörg var kurteis kona og eigi einkar væn, svart hár og brýn — því var hún kölluð Kolbrún“
Næsta grein
Athugasemdir