***
Fyrri myndaspurning:
Lítið á myndina hér fyrir ofan. Hvað heitir kona sú er þar byssu brúkar?
***
Aðalspurningar:
1. Hvað heitir bæjarstjórinn í Grindavík?
2. Hvaða dýr heitir á latínu ursus maritimus?
3. Hércules heitir spænskt fótboltalið, sem spilar nú í 3. deild á Spáni en hefur öðru hvoru náð upp í efstu deild La Liga, spænsku deildarkeppninnar og spilað þar við bestu liðin eins og Real Madrid og Barcelona. Leiktíðina 1986-86 spilaði Hércules til dæmis í efstu deild en lenti þá í næstneðsta sæti og féll í aðra deild. Þessa leiktíð fyrir 35 árum spilaði með Hércules einn þeirra sárafáu Íslendinga, sem hafa spilað í La Liga — djarfur sóknarmaður sem skoraði 5 mörk í 22 deildarleikjum. Hver var þessi Íslendingur?
4. Í hvaða landi er höfuðborgin Belgrad?
5. Lucy Bronze heitir kona ein og býr í Manchester á Englandi. Hvað fæst hún helst við?
6. Ramadan, hvað er það nú aftur?
7. Í hvaða landi í veröldinni hefur mælst hæstur hiti? Þann 10. júlí 1913 mældist þar 56,7 gráðu hiti.
8. Hitamet Evrópu er öllu lægra. Árið 1977 (líka 10. júlí!) mældist hæsti hiti í Evrópu, 48 gráður, í höfuðborg einni? Hvaða höfuðborg skyldi það vera?
9. „Genesis“ nefnist á alþjóðlegum málum upphafsbindið í frægri bók. Hvaða bók er það?
10. En „Genesis“ er líka fræg hljómsveit. Þegar fyrsti söngvari hljómsveitarinnar hætti fyrir löngu, þá tók trommuleikarinn við söngnum og hefur séð um sönginn síðan. Hvað heitir hann?
***
Seinni myndaspurning:
Lítið á myndina hér að neðan. Í hvaða landi er upprunnin trú á þennan marghenta fíl?
***
Svör við aðalspurningum:
1. Fannar Jónasson. Af einskæru umburðarlyndi, og af því skírnarnöfn skipta mestu í voru landi, þá fáiði rétt þótt þið segið Jónsson.
2. Ísbjörn.
3. Pétur Pétursson.
4. Serbíu.
5. Hún er fótboltakona.
6. Mánuður í tímatali múslima, notaður til föstu og bænahalds. Oft kallað „hátíð múslima“ og því dæmist það rétt vera hér og nú.
7. Bandaríkjunum.
8. Aþenu.
9. Biblian.
10. Phil Collins.
***
Svör við myndaspurningum:
Konan á efri myndinni heitir Patty Hearst. Það mun gleðja ykkur að hún hélt fyrir fjórum dögum upp á 67 ára afmælið og er hin hressasta.
Fíllinn á neðri myndinni er í hávegum á hafður á Indlandi. Reyndar víðar líka, en í því landi er átrúnaður á hann upprunninn.
***
Spurningaþrautin
Fyrri grein
316. spurningaþraut: Í hvaða á er Skógafoss? Ef þið vitið það er eitt stig komið
Næsta grein
Athugasemdir