Gjald­þrotum ein­stak­linga fækk­aði á síð­asta ári, borið saman við tvö ár á undan. Hið sama má segja um nauð­ung­ar­sölur á fast­eignum í eigu ein­stak­linga, á öku­tækjum og um fjár­nám hjá ein­stak­lingum.

Þetta kemur fram í svari Áslaugar Örnu Sig­ur­björns­dóttur dóms­mála­ráð­herra við fyr­ir­spurn Ólafs Ísleifs­sonar, þing­manns Mið­flokks­ins. Í svari Áslaugar Örnu er til­tekið að aðeins sé um að ræða mál sem lokið var á árunum 2018 til 2020 en ekki þau mál sem hafi komið til með­ferðar.

Alls voru 778 ein­stak­lingar lýstir gjald­þrota á síð­ustu þremur árum á land­inu öllu. Bú 222 ein­stak­linga voru tekin til gjald­þrota­skipta á síð­asta ári. Árið áður voru 246 ein­stak­lingar lýstir gjald­þrota og 310 árið 2018. Lang­flest gjald­þrota­skipti áttu sér stað í Reykja­vík, 364 í heild­ina á þessum þremur árum. Næst­flest voru gjald­þrotin í umdæmi Hér­aðs­dóms Reykja­ness, 277 tals­ins á sama tíma­bili.

Nauð­ung­ar­sölum á fast­eignum fækk­aði einnig veru­lega á síð­asta ári, um því …