Yfirlestur á Alþingi breytti orðalagi stjórnarskrárfrumvarpsins

For­sæt­is­ráðu­neytið bað Alþingi að leið­rétta breyt­ingu sem varð á frum­varpi Katrínar Jak­obs­dóttur til breyt­inga á stjórn­ar­skrá þar sem gefin var í skyn stefnu­breyt­ing.

Katrín Jakobsdóttir
Katrín Jak­obs­dóttir Frumvarp for­sæt­is­ráð­herra breytt­ist í yfir­lestri Alþingis, segir í svari for­sæt­is­ráðu­neyt­is­ins. Mynd: Shutterstock

Orðalag sem gaf til kynna stefnu­breyt­ingu varð­andi sam­band þjóða­réttar og lands­réttar í frum­varpi Katrínar Jak­obs­dóttur for­sæt­is­ráð­herra til stjórn­ar­skrár­breyt­inga kom til vegna breyt­inga í skjala­lestri Alþingis. Þetta kemur fram í svari for­sæt­is­ráðu­neyt­is­ins við fyr­ir­spurn Stund­ar­innar.

Stundin fjall­aði nýlega um að orða­lagið í þess­ari grein frum­varps­ins gæfi í skyn að alþjóð­legar skuld­bind­ingar færu framar íslenskum lögum. Að mati Bjarna Más Magn­ús­sonar, pró­fess­ors við laga­deild Háskól­ans í Reykja­vík, myndi það marka tíma­mót, enda hafi því almennt verið öfugt farið. Ný uppprentun á vef Alþingis, merkt sem leið­rétt­ing, breytti grein­inni svo til baka í það sem kynnt hafði verið í frum­varps­drögum síð­asta sumar.

For­sæt­is­ráðu­neytið segir breyt­ing­arnar hafa gerst í skjala­lestri á vegum Alþingis. „Þegar frum­varpið var birt í sam­ráðs­gátt og sent Alþingi til yfir­lestrar hljóð­aði 9. gr. þess svo: „2. mgr. 16. gr. stjórn­ar­skrár­innar orð­ast svo: Lög og mik­il­vægar stjórn­ar­ráð­staf­anir, þar á meðal þjóð­rétt­ar­samn­inga sem horfa til breyt­inga á lands­lögum eða eru af öðrum ástæðum mik­il­vægir, skal bera upp fyrir for­seta í rík­is­ráði. Við skjala­lestur á vegum Alþingis breytt­ist orða­lagið „sem horfa til breyt­inga á lands­lögum“ í „sem valda breyt­ingum á lands­lögum“. Við loka­skil frum­varps­ins láð­ist að bera breyt­ing­una undir for­sæt­is­ráð­herra, flutn­ings­mann frum­varps­ins, og því var þingið beðið um uppprentun til að færa orða­lagið til fyrra horfs,“ segir í svari ráðu­neyt­is­ins við fyr­ir­spurn Stund­ar­innar.

Í svar­inu kemur einnig fram að for­sæt­is­ráð­herra telji ekki að frum­varp hennar mundi breyta neinu um sam­band þjóða­réttar og lands­réttar, yrði það sam­þykkt.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár