Þing­flokks­for­maður Sam­fylk­ing­ar­innar, Oddný Harð­ar­dóttir, segir í sam­tali við Stundina að allir stjórn­ar­and­stöðu­þing­menn hafi nú tekið undir kröfu hennar að hald­inn verði sér­stakur þing­fundur þann 29. des­em­ber vegna hættu á hópa­myndun yfir ára­mót og hátt­semi Bjarna Bene­dikts­sonar á Þor­láks­messu þegar hann var staddur í sam­kvæmi sem lög­regla leysti upp um að verða ell­efu fyrir mið­nætti vegna meints brots á sótt­varn­ar­reglum.

Hins vegar hafi þing­flokks­for­menn Sjálf­stæð­is­flokks, Birgir Ármanns­son, og Vinstri grænna, Bjarkey Olsen Gunn­ars­dóttir, tjáð henni að ólík­legt sé að þau taki undir slíka kröfu. „Þrjátíu stjórn­ar­and­stöðu­þing­menn hafa tekið undir þessa kröfu og við erum ekki fleiri í stjórn­ar­and­stöðu. Við þurfum tvo af stjórn­ar­liðum með okkur svo meiri­hluti sé kom­inn til að kalla saman þingið. Ég er búin að fá svör frá þing­flokks­for­manni Sjálf­stæð­is­flokks­ins og Vinstri grænna um að ekki sé lík­legt að þau taki undir þessa kröfu,“ segir Oddný.

Birgir hafði þá tjáð henni í skrif­legu svari að miðað við það sem hann hafi heyrt í kringum sig und­an­farna daga væri ekki að finna stuðn­ing við þing­fund nú í þing­hlé og Bjarkey tekið undir það með honum.

Þá segir hún það vekja furðu að þing­flokks­for­menn­irnir vilji ekki ræða þá stöðu sem komið hefur upp á þingi. „Mér finnst þetta mjög skrýtið og skrýtið mat á stöð­unni. Það má vel vera að þau vilji halda áfram sam­starfi með Bjarna þrátt fyrir hátt­semi hans en þau vilja ekki einu sinni ræða hvaða áhrif það getur haft ef þetta verður til þess að almenn­ingur slaki á sótt­varn­ar­reglum um ára­mót. Það er hættu­legt heilsu fólks og efna­hags­ins á þessum við­kvæma tíma núna meðan við bíðum eftir bólu­efni,“ segir hún þá.

Hefur áhyggjur af afleiðingunum

Oddný seg­ist hafa áhyggjur af því að almenn­ingur slaki á sótt­vörnum vegna hátt­semi ráð­herra og við­brögðum for­sæt­is­ráð­herra og sam­göngu­ráð­herra. „Ég hef áhyggjur af því að það muni slakna á hjá almenn­ingi þegar ráð­herra er búinn að sýna þetta slæma for­dæmi og sam­starfs­menn hans í rík­is­stjórn og for­sæt­is­ráð­herra hafa sagt að slíkt sé afsak­an­legt.“

Uppfærð frétt

Forseti Alþingis stað­festi í sam­tali við mbl.is síð­degis í dag að þingið yrði ekki kallað saman á milli jóla og nýárs vegna máls­ins.