Margt er á döf­inni í menn­ing­ar­líf­inu næstu vikur. Athugið að tíma­setn­ingar gætu breyst með stuttum fyr­ir­vara vegna almanna­varna og að áhorf­endur þurfa að virða fjölda­tak­mark­anir.

Kjarnahiti

Hvar? Harbin­ger.
Hvenær? Til jóla.
Aðgangs­eyrir: Ókeypis!

Föstu­dag­inn þrett­ánda verður gerð til­raun til að hafa öðru­vísi opnun nú á tímum heims­far­ald­urs. Harbin­ger er lítið lista­manna­rekið rými sem hefur í gegnum tíð­ina gjarnan verið pakk­fullt á opn­unum sýn­inga, en nú eru slíkar sam­komur ekki leyfi­legar. Í stað þess að halda enga eða fyr­ir­ferð­ar­litla opnun verður gripið til þeirra ráða að stilla næstu sýn­ingu þannig upp að hægt verður að sjá hana í gegnum glugg­ana. Í sýn­ingu Fritz Hendriks IV, Kjarna­hiti, er tek­ist á við vænt­ingar, örlög og von­brigði á tímum hnatt­rænnar hlýn­unar og far­alds­sjúk­dóma. Í mynd­list sinni fjallar Fritz meðal ann­ars um þá með­vit­uðu og ómeð­vit­uðu svið­setn­ingu sem ein­kennir lífið, listir og menn­ingu.

Landflæði

Hvar? Þula.
Hvenær? 14. nóv­em­ber til 6. des­em­ber.
Aðgangs­eyrir: Ókeypis!

Mynd­list­ar­mað­ur­inn Tolli opnar nýja sýn­ingu þann 14. nóv­em­ber, en opn­unin fer fram á Facebook-síðu gall­er­ís­ins Þulu. Sýningin sam­anstendur af vatns­lita­verkum sem Tolli mál­aði síð­ast­liðið sumar og haust á heiðum uppi og vegum úti. Vatnið í mynd­unum kemur úr lækjum, ám eða vötnum og ­tjörnum sem liggja næst við­fangs­efn­inu.

Ausa 

Hvar? Mengi.
Hvenær? 18. & 19. nóv­em­ber kl. 20.00.
Aðgangs­eyrir: 2.000 kr.

Ausa er ein­leikur sem fjallar um unga stelpu sem hefur fengið það flókna verk­efni að kynn­ast dauð­anum á barns­aldri. Hún segir sögu sína og leggur af stað í mikið ferða­lag um minn­ingar sínar og hug­myndir um lífið og dauð­ann. Verkið var frum­flutt sem útvarps­leik­rit á BBC 1997, en hefur verið sýnt víðs vegar af ýmsum leik­hópum síðan þá.

Listamannaspjall: Tilvera

Hvar? Gallerí Fold.
Hvenær? 21. nóv­em­ber kl. 13.00.
Aðgangs­eyrir: Ókeypis!

Á loka­degi sýn­ing­ar­innar heldur Þórunn Bára Björns­dóttir lista­manna­spjall um sýn­ing­una Tilveru sem hefur verið opin frá lok októ­ber. Rauður þráður í verkum Þórunnar Báru er nátt­úru­skynjun, en hún trúir því að skyn­reynsla sé van­nýtt leið að gagn­rýnni hugsun. Lista­manna­spjallið fer fram á Facebook-síðu gall­er­ís­ins, en áhorf­endum gefst þar tæki­færi til að spyrja Þórunni spurn­ingar.

ÓraVídd

Hvar? Hafn­ar­húsið.
Hvenær? 21. nóv­em­ber–24. jan­úar.
Aðgangs­eyrir: 1.840 kr.

ÓraVídd er yfir­lits­sýn­ing á verkum Sigurðar Árna Sig­urðs­sonar, en verk hans fjalla um það hvernig við horfum á heim­inn í kringum okkur, þau vekja spurn­ingar um eðli og tak­mörk sjón­s­viðs­ins og hvernig það leggur grunn að heims­mynd okkar. Þar kall­ast á bæði það sem sést með berum augum og einnig það sem við sjáum ekki.

Leyniþjónustan

Hvar? Midpunkt.
Hvenær? Til 22. nóv­em­ber.
Aðgangs­eyrir: Ókeypis!

Sýning Rúnars Arnar Mar­in­ós­sonar fjallar um skáld­aða óop­in­bera stofnun, eins konar sál­rík­is­lög­reglu, sem gegnir því hlut­verki að rann­saka og útrýma óeðli­legum, dul­ar­fullum, yfir­skil­vit­legum, und­ar­legum og óstýri­látum fyr­ir­bærum. Líta má á nið­ur­stöðu­lausar rann­sóknir hins óop­in­bera og þar eru til sýnis ýmis sönn­un­ar­gögn, tæki og tól sem stofn­unin hefur sankað að sér og notað í gegnum tíð­ina. 

Svartir Sunnudagar: Freaks

Hvar? Bíó Paradís.
Hvenær? 22. nóv­em­ber kl. 20.00.
Aðgangs­eyrir: 1.690 kr.

Umdeilda hryll­ings­myndin Freaks frá 1932 í leik­stjórn Tod Brownings segir frá fal­legri loft­fim­leika­konu sem trú­lofast leið­toga furðu­sýn­inga-atrið­anna í sirku­snum en atburða­rásin tekur myrka stefnu þegar vinir hans í sirku­snum upp­götva að hún er aðeins á hött­unum eftir arf­inum hans. Myndin byggir á reynslu Brownings, en hann strauk að heiman 16 ára og gekk í sirkus­inn.

Umbúðarlaust – Ertu hér?

Hvar? Borg­ar­leik­húsið
Hvenær? 28. nóv­em­ber kl. 20.00
Aðgangs­eyrir: 2.500 kr.

Ásrún Magn­ús­dóttir og Halla Þórlaug Ósk­ars­dóttir hafa verið bestu vin­konur frá því þær voru sex ára. Nú, 25 árum síðar, birta þær umbúða­laust dans- og hljóð­verk um þessa vin­áttu; um að vera til staðar, og ekki til staðar, fyrir hvor aðra í gegnum þennan tíma. Verkið fjallar um að full­orðn­ast í gegnum vin­átt­una. 

Aðventutónleikar Sinfó

Hvar? Harpa.
Hvenær? 3. des­em­ber kl. 20.00.
Aðgangs­eyrir: Frá 2.600 kr.

Á aðventu­tón­leikum Sin­fón­íu­hljóm­sveitar Íslands hljómar hátíð­leg tón­list eftir meist­ara barokks­ins frá 17. og 18. öld sem ekki eru dag­lega á efn­is­skrám sin­fón­íu­hljóm­sveita. Á þess­ari jóla­legu efn­is­skrá verður meðal ann­ars konsert fyrir tvær fiðlur eftir Vivaldi, í flutn­ingi hjón­anna Veru Panitch og Páls Pal­omares, en þau spil­uðu sig inn í hjörtu lands­manna fyrr á árinu ásamt ungum tví­burum sínum.