Bergþóra Harpa Stefánsdóttir, fjölmiðlafulltrúi og gjaldkeri Ungmennaráðs UN Women, fagnar því að hafa náð því markmiði að fá fimm unga menn til liðs við þær sex ungu konur sem nú starfa í ráðinu til að sinna fræðslustörfum fyrir ungmenni.
Ráðið, sem áður hefur verið samansett af konum á aldrinum sextán til þrjátíu ára, hefur fundið fyrir því í störfum sínum að ungir menn haldi að ráðið sé eingöngu ætlað konum. „Það er eins og þeir haldi að þetta sé bara stelpuráð,“ segir Bergþóra.
Þess vegna var ákveðið að fara af stað með verkefni til að auka þátttöku stráka, sérstaklega hvað varðar fræðsluteymi ráðsins, sem hefur það hlutverk að heimsækja grunn-og framhaldsskóla og fræða unglinga um markmið UN Women og ástand kynjajafnréttis um heim allan.
Strákar hlusta á stráka
Bergþóra segir að staðreyndin sé sú að strákar hlusti meira á aðra stráka og því sé mikilvægt …
Athugasemdir