Þessi grein birtist upphaflega í Stundinni fyrir meira en 4 árum.

Sólveig Anna segir fyrrum forseta ASÍ hafa rekið láglaunastefnu: „Thanks for nothing, Gylfi“

Gylfi Arn­björns­son, fyrr­ver­andi for­seti ASÍ, er gagn­rýn­inn á nú­ver­andi for­ystu verka­lýðs­hreyf­ing­ar­inn­ar. Hann vill að stjórn­völd lækki trygg­inga­gjald til að koma til móts við at­vinnu­rek­end­ur. Formað­ur Efl­ing­ar tel­ur hann ekki hafa stutt verka­kon­ur í sinni for­seta­tíð.

Sólveig Anna segir fyrrum forseta ASÍ hafa rekið láglaunastefnu: „Thanks for nothing, Gylfi“
Sólveig Anna Jónsdóttir og Gylfi Arnbjörnsson Verkalýðsforingjarnir fyrrverandi og núverandi eru ósammála um stefnu og aðferðafræði.

Sólveig Anna Jónsdóttir, formaður Eflingar, segir að Gylfi Arnbjörnsson, fyrrverandi forseti ASÍ, leggi „sitt á vogarskálarnar fyrir forhertasta arm íslenskrar auðstéttar þegar gerð er árás á kjör lægst launaðasta fólksins á íslenskum vinnumarkaði“.

Gylfi var í viðtali í Morgunblaðinu í morgun og var gagnrýninn á forystu verkalýðshreyfingarinnar þessa dagana. „Það er ekkert launungarmál að orðræðan er beinskeyttari og samskiptin líka,“ segir hann. „Það er heldur engin launung að ég gaf ekki kost á mér á sínum tíma þar sem ég taldi mig ekki geta staðið fyrir svona stefnu og framgöngu. Ég vildi nálgast hlutina öðruvísi og gerði það. Þetta kemur mér því ekkert á óvart.“

Forysta Samtaka atvinnulífsins skoðar nú að segja upp Lífskjarasamningnum svokallaða frá því í fyrra þar sem algjör forsendubrestur hafi átt sér stað á vinnumarkaði. Segir Gylfi áhyggjuefni að aðilar vinnumarkaðarins ræðist ekki við og að traust milli þeirra virðist lítið. „Það hefur alltaf verið talsamband milli samtakanna þannig að hægt sé að máta hugmyndir. Miðað við fréttir virðist svo ekki vera og það eitt og sér endurspeglar alvarleika stöðunnar,“ segir hann.

Telur Gylfi að ríkisstjórnin geti komið til móts við atvinnurekendur, sem nú íhuga að segja upp samningum, með því að lækka tryggingargjald. „Í þau 30 ár sem ég starfaði var í forgangi að finna leiðir til að hjálpa þeim sem misstu vinnuna. Það á að yfirskyggja allt annað. Þetta reynir mjög á traust í samskiptum aðila og stjórnvalda. Það virðist ekki vera þannig núna.“

„Áhugaleysi þitt gagnvart kjörum kven-vinnuaflsins fer í sögubækurnar“

Sólveig Anna svarar Gylfa með færslu á Facebook í dag. „Merkilegt að hugsa til að þess að hálauna maður innan úr hreyfingu vinnandi fólk skuli hafa lyst á því að mætta í Moggann til að leggja sitt á vogarskálarnar fyrir forhertasta arm íslenskrar auðstéttar þegar gerð er árás á kjör lægst launaðasta fólksins á íslenskum vinnumarkaði. Í stuttu máli get ég svarað honum svona: Allt í lagi, Gylfi, mér hugnast ekki heldur sú samræmda láglaunastefna sem er arfleið þín á íslenskum vinnumarkaði, láglaunastefnan sem gerir það að verkum að verkakonur þurfa að þræla sér út þangað til þær missa heilsuna og enda sem fátækir öryrkjar. Áhugaleysi þitt gagnvart kjörum kven-vinnuaflsins fer í sögubækurnar. Thanks for nothing, Gylfi.“

Sagði ASÍ og SA renna saman í eitt

Vísar hún í ályktun Eflingar frá því í maí 2018 þegar hún var nýtekin við sem formaður en Gylfi var enn forseti ASÍ. Kom þar fram að málflutningur ASÍ væri „farinn að ríma svo rækilega við málflutning forkólfa fjármagnseigenda og auðkýfinga að varla má greina í sundur hvor talar hverju sinni hlýtur verkafólk að hugleiða vel og lengi þá fráleitu staðreynd og spyrja í kjölfarið: Er það ætlun þeirra sem stjórna tilveru okkar að ASÍ og SA renni saman í eitt risavaxið samfélagslegt stjórnunar-fyrirbæri.“

Segist Sólveig Anna telja að láglaunakonur syrgi ekki að Gylfi hafi ákveðið að hverfa til annarra starfa. „Þær geta í það minnsta glaðst örlítið yfir því að í forystu Eflingar er nú manneskja sem þekkir aðstæður þeirra af djúpri persónulegri reynslu og mun aldrei láta sér detta til hugar að taka þátt því að traðka á þeim til að tryggja að þær haldi áfram að vera taparar Íslands svo að flottu strákarnir geti haldið áfram að drottna, alveg slakir í þeirri vitneskju að þeirra sé ríkið, mátturinn og dýrðin.“

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Indriði Þorláksson
1
Pistill

Indriði Þorláksson

Veiði­gjöld, hagn­að­ur og raun­veru­leg af­koma

Sam­tök fyr­ir­tækja í sjáv­ar­út­vegi hafa mót­mælt hækk­un veiði­gjalda með röng­um for­send­um og áróðri. Al­menn­ing­ur styð­ur hins veg­ar að hlut­ur þjóð­ar­inn­ar í arði af fisk­veiðiauð­lind­inni verði auk­inn. Reikn­uð auð­lindar­enta end­ur­spegl­ar raun­veru­lega af­komu bet­ur en bók­halds­leg­ur hagn­að­ur, sem get­ur ver­ið skekkt­ur með reikn­ings­færsl­um og eigna­tengsl­um.

Mest lesið

Mest lesið í vikunni

Indriði Þorláksson
5
Pistill

Indriði Þorláksson

Veiði­gjöld, hagn­að­ur og raun­veru­leg af­koma

Sam­tök fyr­ir­tækja í sjáv­ar­út­vegi hafa mót­mælt hækk­un veiði­gjalda með röng­um for­send­um og áróðri. Al­menn­ing­ur styð­ur hins veg­ar að hlut­ur þjóð­ar­inn­ar í arði af fisk­veiðiauð­lind­inni verði auk­inn. Reikn­uð auð­lindar­enta end­ur­spegl­ar raun­veru­lega af­komu bet­ur en bók­halds­leg­ur hagn­að­ur, sem get­ur ver­ið skekkt­ur með reikn­ings­færsl­um og eigna­tengsl­um.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
2
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár