Fram­kvæmda­stjóri Land­verndar segir því ósvarað hvernig standa eigi að stórum hluta af þeim sam­drætti í losun gróð­ur­húsa­loft­teg­unda sem aðgerða­á­ætlun stjórn­valda setur mark­mið um. Hún segir áætl­un­ina mikla bæt­ingu frá þeim fyrri, en hún standi stefnu nágranna­landa að baki auk þess sem stjórn­sýsla Íslands í lofts­lags­málum sé ekki nógu sterk til að standa við hana.

Aðgerða­á­ætlun stjórn­valda var kynnt í júní og í henni kemur fram að stjórn­völd stefni að 40 pró­sent sam­drætti í þeirri losun sem stjórn­völd bera ábyrgð á, vel umfram þau 29 pró­sent sem alþjóð­legar skuld­bind­ingar segja til um á tíma­bil­inu 2005 til 2030. Þá er stefnt að kolefn­is­hlut­leysi Íslands árið 2040.

Auður Önnu Magn­ús­dóttir, fram­kvæmda­stjóri Land­verndar, segir að jákvætt sé að Ísland setji markið hátt, en að í Danmörku og Noregi sé stefnt að miklu meiri sam­drætti í losun gróð­ur­húsa­loft­teg­unda. „Þetta …