For­vitni­legt er að velta fyrir sér hvernig mynd­ar­skapur íslenskra kvenna end­ur­spegl­að­ist áður fyrr að stórum hluta í bakstri og mat­ar­gerð. Eins að skoða hvernig þessi birt­ing­ar­mynd hefur breyst í nútíma­sam­fé­lagi og hvort eitt­hvað hafi haldið sér í form­inu. Form eru sagn­fræð­ingnum Sólveigu Ólafs­dóttur hug­leikin og telur hún form­kökur hvers­dags­ins stór­lega van­metnar.

„Birt­ing­ar­myndir mynd­ar­skap­ar­ins og hvað það þýðir að vera mynd­ar­leg/ur eru ofar­lega í huga mér. Að hluta til er birt­ing­ar­myndin eitt­hvað sjón­rænt en þegar við tölum um mat þá koma miklu fleiri sky­ná­hrif til. Það er jú betra að það sem við reiðum fram sé gott á bragðið og góð lykt af því líka. Til eru margar sögur af því hvernig þú myndar stemn­ingu með lykt, eins og til dæmis fátæku náms­menn­irnir sem áttu ekki fyrir hangi­kjöti en suðu þá bjúgu til að fá jóla­lykt í húsið. Hið sama má segja með vöfflur þar sem ein vaffla býr til góða …