Stórt skref í rafvæðingu minnkar útblástur í Reykjavíkurhöfn um 20%

Í dag var und­ir­rituð vilja­yf­ir­lýs­ing um að Reykja­vík­ur­borg og ríkið leggi til sam­tals 300 millj­ónir króna til að tengja flutn­inga­skip land­raf­magni á næsta ári og minnka þannig notkun á olíu um 660 þús­und tonn. Þannig dregst útblástur koltví­oxíðs, sem er gróð­ur­húsa­loft­teg­und, um 20 pró­sent. Að auki má gera ráð fyrir bættum loft­gæðum í borg­inni, á þeim svæðum sem liggja nærri Sunda­höfn. Þetta mun ger­ast frá og með næsta ári, ef allt gengur sam­kvæmt áætlun.

„Um er að ræða fyrsta áfanga í því verk­efni að tryggja raf­teng­ingar fyrir stærri skip í höfnum á Íslandi,“ segir í frétta­til­kynn­ingu sem send var í dag frá Umhverfis- og auð­linda­ráðu­neyt­inu.

Að vilja­yf­ir­lýs­ing­unni standa Umhverfis- og auð­linda­ráðu­neytið, Reykja­vík­ur­borg, Faxa­flóa­hafnir, Veitur, Samskip og Eimskip. 

Haft er eftir Guðmundi Inga Guð­brands­syni umhverf­is­ráð­herra í til­kynn­ing­unni að um sé að ræða eitt af fleiri stórum skrefum í því að draga úr útblæstri gróð­ur­húsa­loft­teg­unda.

„Við erum að stíga stór skref í lofts­lags­málum núna með aðkomu rík­is­ins að raf­væð­ingu tíu hafna á Íslandi í ár. Verk­efnið við Sunda­bakka og Voga­bakka í Reykja­vík er frá­bært sam­starfs­verk­efni og mun ekki bara draga úr losun gróð­ur­húsa­loft­teg­unda heldur líka bæta loft­gæði í borg­inni. Þetta er gleði­dagur.“

Dagur B. Egg­erts­son borg­ar­stjóri segir í sömu yfir­lýs­ingu að skapa þurfi Íslandi sam­keppn­is­for­skot í græna hag­kerf­inu.

„Þetta er mjög stór dagur í lofts­lags­málum, ekki bara í Reykja­vík heldur fyrir landið allt. Raf­væð­ing hafna er hluti af bæði lofts­lags­á­ætlun stjórn­valda og borg­ar­innar um að draga úr útblæstri gróð­ur­húsa­loft­teg­unda þannig að þessi yfir­lýs­ing sem við und­ir­rit­uðum í dag er veg­vísir að enn grænni borg. Nú fer af stað vinna við að gera þetta að veru­leika og við von­umst til að geta tengt fyrstu flutn­inga­skipin næsta sumar sem mun draga veru­lega úr útblæstri gróð­ur­húsa­loft­teg­unda hjá skipa­fé­lög­unum en ekki síður bæta loft­gæðin í kringum hafn­irnar. Það hefur verið mín skoðun að við ættum öll að vera að nota þennan tíma til að skipu­leggja grænt plan í efna­hags­málum til þess að draga úr útblæstri en ekki síður til að skapa land­inu nauð­syn­legt sam­keppn­is­for­skot í græna hag­kerf­inu.“

Í fyrsta áfanga verk­efn­is­ins munu Faxa­flóa­hafnir, Veitur og ríkið leggja til hund­rað millj­ónir króna hvert.