Vigdís Hauks­dóttir, borg­ar­full­trúi Mið­flokks­ins, segir 226.000 króna styrk Reykja­vík­ur­borgar til Báru Hall­dórs­dóttur, upp­ljóstr­ara í Klaust­urs­mál­inu svo­kall­aða, vegna mál­þings­ins „Klaust­ur­gate – ári síðar“, vera hápóli­tíska og herfi­lega mis­notkun á almannafé.

Í nóv­em­ber 2018 upp­lýsti Bára um sam­tal sex þing­manna, Sig­mundar Davíðs Gunn­laugs­sonar, Gunnars Braga Sveins­sonar, Bergþórs Ólasonar, Önnu Kol­brúnar Árna­dóttur, Karls Gauta Hjalta­sonar og Ólafs Ísleifs­sonar, sem öll eru nú í Mið­flokknum. Fóru þing­menn­irnir grófum orðum um konur, sam­kyn­hneigða og fatl­aða og ræddu hrossa­kaup í tengslum við veit­ingu á stöðu sendi­herra.

Á fundi borg­ar­ráðs í gær voru sam­þykktir styrkir frá Reykja­vík­ur­borg til fjölda mál­efna, verk­efna og við­burða. Vigdís sagði á fund­inum að styrk­veit­ingar Reykja­vík­ur­borgar væru mjög ógagn­sæjar. Nefndi hún sér­stak­lega styrk til Báru í nóv­em­ber 2019 vegna mál­þings­ins „Klaust­ur­gate – ári síðar“, þar sem fram­ganga flokks­systk­ina hennar í Mið­flokknum var til umfjöll­unar. „Var þar um gríð­ar­lega póli­tíska ákvörðun að ræða á kostnað skatt­greið­enda sem er ráð­inu algjör­lega til skammar,“ sagði hún í bókun á fund­inum. „Þetta dæmi sannar að styrkt­arfé er notað í þeim til­gangi að ná höggi á póli­tíska and­stæð­inga.“

„Hér er aug­lýst eftir aðila sem vill sækja um styrk til að halda ráð­stefnu um káf­karl­ana á vinstri væng stjórn­mál­anna“

Sagði hún úthlut­un­ina herfi­lega mis­notkun á almannafé. „Hér er upp­lýst að 226.000 kr. af útsvars­greiðslum Reyk­vík­inga fóru í hápóli­tískan styrk. Er það hlut­verk Reykja­víkur að fara svona með opin­bert fé á meðan ekki er hægt að sinna grunn­þjón­ustu á ýmsum sviðum borg­ar­innar. Hér er aug­lýst eftir aðila sem vill sækja um styrk til að halda ráð­stefnu um káf­karl­ana á vinstri væng stjórn­mál­anna og verður spenn­andi að sjá hvort verk­efnið fái sama greiða aðgang­inn að útsvars­tekjum borg­ar­innar í gegnum skyndistyrki mann­réttinda­ráðs.“

„Það að kjörnir full­trúar [...] vegi ómak­lega að minni­hluta­hópum í sam­fé­lag­inu með smekklausum athuga­semdum hlýtur að telj­ast alvar­legur atburður“

Meiri­hlut­inn í borg­ar­ráði benti á að nú væri að störfum starfs­hópur um aukið gagn­sæi styrkja­út­hlut­ana Reykja­vík­ur­borgar. „Skyndistyrkir hafa verið veittir á vegum mann­réttinda­ráðs og nú mann­rétt­inda-, nýsköp­unar- og lýð­ræð­is­ráðs til þess að styðja við frum­kvæði gras­rót­ar­sam­taka sem vinna að mála­flokki fagráðs­ins, sér í lagi til að koma til móts við vilj­ann til að skipu­leggja við­burði sem koma upp vegna atburða og aðstæðna í sam­fé­lag­inu sem erfitt er að sjá fyrir,“ segir í bókun meiri­hlut­ans. „Dæmi um slíka atburði eru myllu­merk­is­bylt­ing­arnar #MeToo, #FreeTheNipple og nú #Klaust­ur­gate. Það að kjörnir full­trúar á Alþingi Íslend­inga sem fara með lög­gjaf­ar­vald vegi ómak­lega að minni­hluta­hópum í sam­fé­lag­inu með smekklausum athuga­semdum hlýtur að telj­ast alvar­legur atburður sem hefur sig yfir almenna flokkspóli­tík sem almenn­ingur og full­trúar þvert á flokka geti sam­ein­ast um að standa gegn.“