Þessi grein birtist upphaflega í Stundinni fyrir meira en 5 árum.

Skuld Secret Solstice við borgina greidd að fullu

Reykja­vík­ur­borg styrk­ir tón­list­ar­há­tíð­ina Secret Solstice um 8 millj­ón­ir í ár. Ný­ir rekstr­ar­að­il­ar eru tengd­ir þeim fyrri, sem hljóm­sveit­in Slayer hef­ur stefnt. Vig­dís Hauks­dótt­ir borg­ar­full­trúi seg­ist til­bú­in í mála­ferli vegna um­mæla sinna um rekstr­ar­að­il­ana.

Skuld Secret Solstice við borgina greidd að fullu
Secret Solstice Reykjavíkurborg hefur gert nýjan samning um hátíðina. Mynd: Pressphotos

Skuld tónlistarhátíðarinnar Secret Solstice við Reykjavíkurborg, sem í lok apríl í fyrra nam 19 milljónum króna, hefur verið greidd að fullu. Borgin styrkir hátíðina um 8 milljónir króna í ár og hefur skrifað undir nýjan samning við rekstraraðilana, sem eru nátengdir þeim sem standa í málaferlum út af fyrri hátíðum.

Þetta kemur fram í svörum Reykjavíkurborgar við fyrirspurn Stundarinnar um málið. Tvísýnt var síðasta vor hvort hátíðin færi fram í Reykjavík þar sem skuld rekstraraðila við borgina samkvæmt samningi nam 11,6 milljónum króna og kostnaður við viðgerðir á völlum í Laugardal nam 7,4 milljónum króna. Ekkert hafði verið greitt á þeim tíma sem nefndur var í samningi aðilanna. Nú, eftir að hátíðin 2019 fór fram, hefur skuldin hins vegar verið greidd að fullu.

Nýr samningur var samþykktur á fundi borgarráðs 9. janúar vegna hátíðarinnar sem fram fer í lok júní. Tilkynnt hefur verið um tónlistarmenn á hátíðinni í sumar, meðal annars hljómsveitirnar Cypress Hill, Primal Scream og TLC.

Vigdís HauksdóttirBorgarfulltrúi hyggst ekki biðjast afsökunar á ummælum um rekstraraðila Secret Solstice.

Lögmenn aðstandenda hátíðarinnar sendu Vigdísi Hauksdóttur, borgarfulltrúa Miðflokksins, bréf vegna ummæla hennar á fundi borgarráðs 30. janúar, að því er fram kemur í frétt RÚV. Vigdís vakti þar athygli á styrkveitingu borgarinnar til hátíðarinnar. „Samkvæmt nýjum gögnum frá Reykjavíkurborg kemur í ljós að Secret Solstice er rekin af a.m.k. þremur mismunandi félögum og virðist algjör hending ráða því hvaða félag er látið taka að sér hvaða skuldbindingu vegna rekstursins,“ lét hún bóka. „Þá er fullyrt að aðstandendur hátíðarinnar hafi gefið Reykjavíkurborg rangar og misvísandi upplýsingar um eignarhald félaganna, aðkomu þeirra að hátíðinni og héldu því ranglega fram að félögin myndu greiða eða yfirtaka skuldir fyrri rekstraraðila. Fullyrt er að félögin stundi skattasniðgöngu og ýmis önnur lögbrot.“

„Fullyrt er að félögin stundi skattasniðgöngu og ýmis önnur lögbrot“

Tengdir rekstraraðilar

Á fundinum var kynnt bréf frá lögmanni hljómsveitarinnar Slayer sem ekki fékk borgað fyrir framkomu á hátíðinni 2018 og stendur í málaferlum. Tóku nýir rekstraraðilar við í kjölfarið. Reykjavíkurborg segir málaferli Slayer að engu leyti snúa að borginni.

Hátíðin hefur verið gagnrýnd þar sem skipt var um kennitölu, en nýr eigandi hennar, Guðmundur Hreiðarsson Viborg, er tengdur fyrri eigendum hátíðarinnar. Stjúpsonur hans, Jón Bjarni Steinsson, var upplýsingafulltrúi hátíðarinnar, en hann er kvæntur Katrínu Ólafsdóttur, fyrrverandi framkvæmdastjóra fyrra rekstrarfélagsins. Hún er systir Friðriks Ólafssonar, eiganda gamla félagsins, og dóttir Jóns Ólafssonar, athafnamanns og eins helsta styrktaraðila.

Jón ÓlafssonAthafnamaðurinn er meðal helstu styrktaraðila hátíðarinnar.

Forsvarsmenn nýja félagsins, Lifandi viðburðir ehf., krefjast þess að Vigdís biðjist afsökunar á bókuninni og beri hana formlega til baka, ellegar verði farið í mál við hana og skaðabóta krafist. Hafna þeir tengslum við fyrri hátíð og að fyrri rekstraraðilar hafi sagst hafa greitt Slayer að fullu. „Það vekur því furðu að þú, sem lýðræðislega kjörinn borgarfulltrúi, skulir án allrar gagnrýni ljá þessu erindi vægi með því að leggja fram bókun á fundi borgarráðs þar sem umbjóðendur mínir og fyrirsvarsmenn þeirra eru án nokkurra fyrirvara sakaðir um rangfærslur og lögbrot, þ.á m. skattasniðgöngu,“ segir í bréfi þeirra.

„Nei, ég segi í þessu máli eins og öðrum málum sem ég hef verið sökuð um: See you in court“

Í samtali við RÚV segist Vigdís ekki ætla að biðjast afsökunar, heldur taka slaginn fyrir alla kjörna fulltrúa. „Nei, ég segi í þessu máli eins og öðrum málum sem ég hef verið sökuð um: See you in court.“

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Safnar fyrir útborgun í bílskúr foreldra sinna
2
Viðtal

Safn­ar fyr­ir út­borg­un í bíl­skúr for­eldra sinna

Hjálm­ar Snorri Jóns­son inn­rétt­aði í sum­ar bíl­skúr for­eldra sinna en hann býr í hon­um ásamt kær­ustu sinni. Hann seg­ir auð­veld­ara að geta safn­að fyr­ir íbúð þannig held­ur en að fara fyrst inn á leigu­mark­að­inn. „Það er svo­lít­ið hugs­un­in að í stað þess að vera á leigu­mark­aði get ég bara ver­ið hér og safn­að pen­ing­um,“ seg­ir Hjálm­ar.
Brotthvarf að meðaltali hærra úr íslenskum háskólum en í OECD-ríkjum
4
Fréttir

Brott­hvarf að með­al­tali hærra úr ís­lensk­um há­skól­um en í OECD-ríkj­um

Nið­ur­stöð­ur nýrr­ar skýrslu OECD um há­skóla­mál sýna að brott­hvarf er hærra á Ís­landi en að með­al­tali í OECD-ríkj­um. Þá seg­ir að tryggja þurfi að ís­lensk­ir há­skól­ar standi jafn­fæt­is öðr­um OECD há­skól­um. „Þess­ar nið­ur­stöð­ur stað­festa að há­skóla­mál­in þurfa að njóta sér­stakr­ar at­hygli,“ seg­ir Logi Ein­ars­son menn­ing­ar-, ný­sköp­un­ar- og há­skóla­ráð­herra.

Mest lesið

Mest lesið í vikunni

Safnar fyrir útborgun í bílskúr foreldra sinna
4
Viðtal

Safn­ar fyr­ir út­borg­un í bíl­skúr for­eldra sinna

Hjálm­ar Snorri Jóns­son inn­rétt­aði í sum­ar bíl­skúr for­eldra sinna en hann býr í hon­um ásamt kær­ustu sinni. Hann seg­ir auð­veld­ara að geta safn­að fyr­ir íbúð þannig held­ur en að fara fyrst inn á leigu­mark­að­inn. „Það er svo­lít­ið hugs­un­in að í stað þess að vera á leigu­mark­aði get ég bara ver­ið hér og safn­að pen­ing­um,“ seg­ir Hjálm­ar.
Brotthvarf að meðaltali hærra úr íslenskum háskólum en í OECD-ríkjum
6
Fréttir

Brott­hvarf að með­al­tali hærra úr ís­lensk­um há­skól­um en í OECD-ríkj­um

Nið­ur­stöð­ur nýrr­ar skýrslu OECD um há­skóla­mál sýna að brott­hvarf er hærra á Ís­landi en að með­al­tali í OECD-ríkj­um. Þá seg­ir að tryggja þurfi að ís­lensk­ir há­skól­ar standi jafn­fæt­is öðr­um OECD há­skól­um. „Þess­ar nið­ur­stöð­ur stað­festa að há­skóla­mál­in þurfa að njóta sér­stakr­ar at­hygli,“ seg­ir Logi Ein­ars­son menn­ing­ar-, ný­sköp­un­ar- og há­skóla­ráð­herra.

Mest lesið í mánuðinum

„Ég er mjög stolt af því að hafa tekið þennan slag“
3
Fréttir

„Ég er mjög stolt af því að hafa tek­ið þenn­an slag“

Mann­rétt­inda­dóm­stóll Evr­ópu komst í dag að þeirri nið­ur­stöðu að ís­lenska rík­ið hefði ekki brot­ið á Bryn­dísi Ásmunds­dótt­ur. Hún seg­ir skrít­ið að tala um tap þeg­ar Mann­rétt­inda­dóm­stóll Evr­ópu veitti henni áheyrn. Nú geti hún loks náð and­an­um. Mark­mið­um um að vekja máls á brota­löm­um í ís­lensku rétt­ar­kerfi hafi náðst, ekki síst þeg­ar sig­ur vannst í öðru mál­inu.

Mest lesið í mánuðinum

Nýtt efni

Mest lesið undanfarið ár