Fyrir jól er mikið að gera og ys og þys við að koma öllu því í verk sem að fólk telur að þurfi að klára áður en jólin renna í garð. Álagið það leggst mis­þungt á fólk, sumir mæta jól­unum með miklum spenn­ingi og eft­ir­vænt­ingu á meðan að aðrir fyll­ast stressi og van­líðan. Sumir hafa þá bara engan áhuga á jól­unum, eins og Ástríður Hall­dórs­dóttir sem tekin var tali fyrir níu árum í DV. Spurð hvort hún væri farin að huga að jólum svar­aði Ástríður: „Nei, jól eru fyrir aum­ingja.“

Mynd: DV / Timarit.is

„Það eru níu ár síðan, einmitt,“ segir Ástríður þegar Stundin hafði sam­band við hana og spurði hvort hún væri enn sama sinnis, það er að jólin væru fyrir aum­ingja. „Já, verður maður ekki bara að segja já. Ég er auð­vitað orð­inn Trölli Íslands í huga þjóð­ar­innar, hold­gerv­ingur jóla­hat­urs­ins og þetta svar birt aftur og aftur. Ég reyndar heyrði af því um dag­inn að ein­hver annar hafði verið spurður, ein­hver karl í Kringl­unni, spurður hvort hann ætl­aði að gera eitt­hvað um jólin. Hann svar­aði víst þannig að hann þyrfti það ekki, eng­inn í fjöl­skyld­unni hans þoldi hann og hann þyrfti ekki mæta neitt eða gera neitt, hann væri svo illa lið­inn. Það er greini­lega ein­hver sam­keppni í gangi en ég hef reyndar ekki séð þetta.“

Ástríður er að vísa til með­fylgj­andi við­tals í fréttum Stöðvar 2, sem tekið var árið áður en rætt var við hana, eða í des­em­ber 2009. Beðist er vel­virð­ingar á slökum gæðum þess­arar upp­töku. Stundin veit ekki deili á mann­inum sem um ræðir en orð­rétt svar­aði hann, spurður að því hvort og þá hvaða jóla­gjafir hann hyggð­ist kaupa: „Nei, veistu það, ég er svo hepp­inn að eiga enga vini og eng­inn í fjöl­skyld­unni þolir mig. Þar af leið­andi fæ ég engar jóla­gjafir og slepp þess vegna við að gefa jóla­gjafir sjálfur.“ Það kemur á frétta­kon­una sem tekur við­talið og hún spyr; „Svona í alvöru talað?“ Maðurinn heldur það nú og svarar: „Ekkert flókn­ara en svo.“

Spurð hvernig hún hátti jóla­und­ir­bún­ingi hlær Ástríður. „Ég var að koma úr vinn­unni og er ekki búin að gera neitt af viti. Það er nú svo sem líka af því að fjöl­skyldan er búin að liggja í pest.“

„Ég held að maður þyrfti að fá frí úr vinn­unni í alveg tvo mán­uði til að und­ir­búa þetta, ég held að það sá algjört lág­mark“

Það er því aðeins jóla­legra yfir Ástríði heldur en var fyrir níu árum síðan. „Já já, en það er raunar alveg fárán­legt hvað fólk man eftir þessu, ég er stoppuð úti á götu vegna þessa litla mola. Ég fæ líka vina­beiðnir á Facebook þessu tengdar, yfir­leitt reyndar frá miða­aldra karl­mönnu. Þannig að það má segja að ég hafi grætt mikið á þessu eins og raunar allir lands­menn.“

Ástríður segir að börnin hennar séu vissu­lega spennt fyrir jól­unum og hún hríf­ist með. „Það er bara spurn­ing hvenær maður á að hafa tíma fyrir þetta allt. Ég held að maður þyrfti að fá frí úr vinn­unni í alveg tvo mán­uði til að und­ir­búa þetta, ég held að það sá algjört lág­mark. Það þarf bara að hafa þetta eins og fæð­ing­ar­or­lof. Nei, ég segi svona, þetta er auð­vitað bara seina­gangur í mér. Það þýðir ekk­ert að hafa áhyggjur af þessu, það tekur því ekki. Jólin koma alveg sama hvort ég sé und­ir­bú­inn undir þetta eða ekki.“