Ásmundur Frið­riks­son, þing­maður Sjálf­stæð­is­flokks­ins, hefur sent for­seta Evr­ópu­ráðs­þings­ins erindi þar sem hann lætur vita af broti Þór­hildar Sunnu Ævars­dóttur, þing­manns Pírata, á siða­reglum Alþingis. Þetta kemur fram í Morg­un­blað­inu í dag.

Siða­nefnd Alþingis komst að þeirri nið­ur­stöðu í vor að Þór­hildur Sunna hefði brotið gegn siða­reglum fyrir alþing­is­menn þegar hún sagði í Silfrinu þann 25. febr­úar 2018 að uppi væri rök­studdur grunur um að Ásmundur hefði dregið sér fé. For­sætis­nefnd féllst í kjöl­farið á nið­ur­stöðu nefnd­ar­innar.

Þegar Þór­hildur Sunna lét ummælin falla lá fyrir að Ásmundur hafði fengið 4,6 millj­óna króna akst­urs­kostnað end­ur­greiddan frá Alþingi vegna 48 þús­und kíló­metra akst­urs á eigin bíl þrátt fyrir að reglur um þing­far­ar­kostnað kveði á um að þing­menn sem aka meira en 15 þús­und kíló­metra á ári skuli not­ast við bíla­leigu­bíl og siða­reglur leggi þá skyldu á herðar þing­mönnum að sjá til þess að end­ur­greiðsla fyrir útgjöld sé „í full­komnu sam­ræmi“ við reglur um þing­far­ar­kostnað. Sjálfur hefur Ásmundur við­ur­kennt að hluti af end­ur­greiðsl­unum hafi „orkað tví­mælis“ og end­ur­greitt skrif­stofu Alþingis 178 þús­und krónur sem hann fékk vegna ferða um kjör­dæmi sitt með töku­fólki frá sjón­varps­stöð­inni ÍNN.

Ásmundur sendi bréfið 9. des­em­ber síð­stlið­inn til Evr­ópu­ráðs­þings­ins og stíl­aði það á Liliane Maury Pasquier, for­seta þings­ins. „Mér finnst mik­il­vægt að gera við­vart um þessi brot þing­manns­ins,“ segir Ásmundur við Morg­un­blaðið. „Þór­hildur Sunna rækti ekki störf sín af ábyrgð, heil­indum og heið­ar­leika sam­kvæmt áliti for­sætis­nefndar og siða­nefndar.“

Vill Ásmundur einnig að Evr­ópu­ráðs­þingið íhugi aðgerðir gagn­vart Þórhildi Sunnu, sem er vara­for­maður Íslands­deildar Evr­ópu­ráðs­þings­ins og for­maður laga- og mann­rétt­inda­nefndar þess. „Evr­ópu­ráðs­þingið hefur ítrekað lagt mikla áherslu á það við aðild­ar­ríki sín að þau setji siða­reglur fyrir alþing­is­menn sem feli jafn­framt í sér við­ur­lög. Þá hefur Evr­ópu­ráðs­þingið sjálft sett sér siða­reglur þar sem kveðið er á um við­ur­lög við brotum, til dæmis skerð­ingu rétt­inda innan þings­ins,“ segir Ásmundur.