Þessi grein birtist upphaflega í Stundinni fyrir meira en 5 árum.

Bílastæðaappið Leggja selt alþjóðlegu fyrirtæki og verður lagt niður

Kaup­verð Ea­syPark á þjón­ust­unni frá er trún­að­ar­mál. Leggja-app­inu verð­ur skipt út.

Bílastæðaappið Leggja selt alþjóðlegu fyrirtæki og verður lagt niður
Umferðin Kaupverð á Leggja appinu er trúnaðarmál. Mynd: Shutterstock

EasyPark, alþjóðlegt fyrirtæki sem sinnir tæknilausnum í bílastæðamálum í yfir 1.300 borgum í 18 löndum, hefur keypt Leggja-appið af fyrirtækinu Já. Kaupverðið er trúnaðarmál, að sögn Vilborgar Helgu Harðardóttur, forstjóra Já.

Í tilkynningu vegna kaupanna kemur fram að Leggja-appið muni virka áfram, en á næstu mánuðum muni viðskiptavinir fá boð um að skipta yfir í EasyPark-appið. Fram að því muni notendur ekki finna fyrir neinni breytingu og Leggja-appið muni einnig virka áfram „fyrstu mánuðina meðan skiptin ganga í gegn“.

Stundin hefur áður fjallað um Leggja-appið sem Já keypti á 60 milljónir króna árið 2017 af því sem ráða má af ársreikningum. Appið gerir fólki mögulegt að greiða í stöðumæla í Reykjavík með símunum sínum, en Bílastæðasjóður hefur ekki haft til skoðunar að hanna eigið app. Hönnuður Leggja, Hreinn Gústavsson, var í framhaldi sölunnar ráðinn sem sviðsstjóri vöru- og viðskiptaþróunar hjá Já og hefur ekki viljað staðfesta kaupverðið.

Leggja-appið heldur eftir 2,5 prósentum af öllum stöðugjöldum sem innheimt eru fyrir Bílastæðasjóð til að mæta kostnaði. Notendur greiða auk þess mánaðargjald upp á 529 krónur eða 95 króna þjónustugjald fyrir hvert skipti sem bíl er lagt. Til að setja upphæðina í samhengi jafngildir þjónustugjaldið 50 prósenta álagi á stöðugjald sé bifreið lagt í einn klukkutíma á gjaldsvæðum P2, P3 eða P4 í Reykjavík.

Samningur hefur verið í gildi á milli Bílastæðasjóðs og Leggja með ýmsum skilmálum. Síðan appið kom til sögunnar hafa gömlu stöðumælarnir verið teknir úr umferð. Í staðinn komu mælar sem taka við greiðslukortum ásamt mynt, en þeim fer fækkandi líka.

Í samtali við Stundina sagði Vilborg kaupverð EasyPark vera trúnaðarmál. „Við erum mjög stolt af Leggja og þökkum landsmönnum afar jákvæðar viðtökur,“ segir hún. „Með kaupum EasyPark á Leggja verður viðskiptavinum boðið upp á að nýta sömu þjónustu víðar sem auðveldar landsmönnum að leggja í útlöndum og sömuleiðis ferðamönnum að leggja hérlendis. EasyPark er leiðandi á þessu sviði með lausn og þjónustu í stöðugri þróun sem Íslendingar munu njóta góðs af. Þetta er því mjög spennandi breyting fyrir viðskiptavini Leggja.”

Leiðrétting: Í upphaflegri útgáfu fréttarinnar var sagt að Leggja-appið væri það eina sem hefur gert samning við Bílastæðasjóð. Hið rétta er að síðan í haust hafa bæst við að minnsta kosti tveir samkeppnisaðilar.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár