Upp­sagnir 14 starfs­manna Haf­rann­sókna­stofn­unar voru harka­legar og verð­mæt sér­fræði­þekk­ing hverfur frá stofn­un­inni. Þetta segir í til­kynn­ingu sem Sigurður Þór Jónsson fiski­fræð­ingur sendi fjöl­miðlum í nafni starfs­fólks.

„Þann 21. nóv­em­ber 2019 var 14 starfs­mönnum Haf­rann­sókna­stofn­unar sagt upp og þar af þremur boðið nýtt starf sem þeir höfn­uðu,“ segir í ályktun starfs­manna stofn­un­ar­innar sem sam­þykkt var á fundi þeirra í dag. „Aðgerð­irnar voru fyr­ir­vara­lausar, harka­legar og án full­nægj­andi skýr­inga. Ljóst er að verð­mæt sér­fræði­þekk­ing hverfur frá stofn­un­inni og mikil eft­ir­sjá er að því starfs­fólki sem sagt var upp.“

Í álykt­un­inni segir að stjórn­völd beri ábyrgð á alvar­legri stöðu stofn­un­ar­innar og að starfs­menni hafi veru­legar áhyggjur af fram­tíð hennar. „Að sögn Sigurðar Guð­jóns­sonar for­stjóra Haf­rann­sókna­stofn­unar voru aðgerð­irnar fram­kvæmdar í sam­ráði við Atvinnu­vega- og nýsköp­un­ar­ráðu­neytið og eiga ekki að hafa áhrif á kjarna­starf­semi  stofn­un­ar­innar og öllum helstu verk­efnum haldið áfram,“ segir í álykt­un­inni. „Að mati starfs­manna munu aðgerð­irnar þvert á móti hafa nei­kvæð áhrif á kjarna­starf­semi stofn­un­ar­innar.“