Íbúðaverð á höfuðborgarsvæðinu hefur hækkað um 8,1 prósent á síðustu tólf mánuðum, samkvæmt mælingum Þjóðskrár. Á síðustu sex mánuðum nemur hækkunin 2,3 prósentum og á síðustu þremur mánuðum hefur vísitala fasteignaverðs á höfuðborgarsvæðinu hækkað um 1,1 prósent. Vísitalan mælir breytingar á vegnu meðaltali fermetraverðs og er ætlað að varpa ljósi á þróun fasteignaverðs samkvæmt fyrirliggjandi gögnum Þjóðskrár.
Nokkuð hefur hægt á hækkunum íbúðaverðs á undanförnum sex mánuðum í samanburði við mánuðina sex þar á undan, eins og sjá má á grafinu hér að neðan. Þar hefur vísitalan verið stillt í gildið 100 í ágúst 2014 og sýnir því hlutfallslega hækkun hennar frá þeim tíma. Milli júlí 2015 og ágúst 2015 hækkaði íbúðaverð um 0,2 prósent.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Athugasemdir