Þorsteinn Már: Seðlabankinn fór fram með „illviljann að vopni“

„Það var stofnað til þessa máls með ill­vilj­ann að vopni,“ sagði Þor­steinn Már Bald­vins­son, for­stjóri Samherja í við­tali við RÚV

í dag.

Sér­stakur sak­sókn­ari hefur fellt mál gegn Þor­steini Má og þremur öðrum starfs­mönnum fyr­ir­tæk­is­ins niður, eins og greint var

frá í dag.

„Ég skila þakk­læti til stafs­fólks­fólks Samherja sem hefur staðið á bak­við mig í þessi ár sem þetta mál hefur staðið yfir og í öðru lagi þá gleðst ég yfir því að starfs­menn mínir sem hafa sumir hverjir verið teknir nán­ast í gísl­ingu í nokkur ár séu þá lausir úr henni,“ sagði Þor­steinn Már í við­tali við RÚV.

Þor­steinn sagði í sam­tali við RÚV að hann ætl­aði að gera nánar grein fyrir sínum sjón­ar­miðum í mál­inu, og hvernig fram­ganga Seðla­banka Íslands hafi verið. „Ég mun gera grein fyrir því seinna, ég ætla að leyfa mínu fólki að gleðj­ast yfir þessu og njóta helg­ar­innar en ég mun að sjálf­sögðu síðan gera grein fyrir þessum málum,“ sagði Þor­steinn Már.

Hann hefur sjálfur marg­ít­rekað sak­leysi sitt og Samherja í mál­inu, á rann­sókn­ar­tíma, og sagt gögn sem hann hefði séð frá seðla­bank­anum vera á mis­skiln­ingi og van­kunn­áttu byggð.